古典音樂會

自細唔係一個識聽古典音樂嘅人，小時候俾大人帶去試聽演奏會時瞓到淋晒！到喺做嘢時又因為要應酬而「被迫」去聽，但始終都唔多識欣嘗！

今晚應朋友 Shirley 邀請去一個「非一般」嘅音樂佈道會！係古典音樂分享會！原來有啲歌都幾好聽，而且大提琴被我想像中更悅耳，今晚都算係一個新體驗！ 

Shirley 一向都係商界女強人，除咗係兩間上市公司嘅董事/董事總經理外，更係政協委員，商會主席等！公職多籮籮！所以她一直都是好有自信，覺得什麼都係靠自己，亦因此唔需要上帝。

直到女兒 Jo Jo 患上末期癌症之後，眼見人可以做嘅嘢好有限，她為女兒要經歷化療和非常大嘅手術所受相當多嘅痛苦而心痛。但 Shirley 驚訝女兒不但冇氣餒，仲滿有喜樂嘅過每一天，而且神奇蹟地醫好了她！雖然之後也曾復發，但感恩地最後竟然完全康復！Shirley 見到神賜 Jo Jo 出乎意料嘅平安，喜樂和醫治，終於明白神嘅實在，所以亦信了主！更勁嘅係佢還帶埋佢父毋信埋耶穌呢！

正如 Jo Jo 所講，好多人像 Shirley 咁，擁有金錢名利地位，甚麼都可以買得到，所以只信自己，以為 always in control.... only when 大件事發生才有反醒嘅機會！

其實多年前哥哥亦因腦爆血管嘅經歷使我全家一起經歷神醫治嘅大能！有興趣請聽番我嘅 Podcast 喇！（請 Click 第四集 醫治大能的手）

希望大家都珍惜身邊嘅父毋和親人，爭取機會跟他們分享這美好嘅福份喇！剛好今期 www.1musicbox.com 趁中秋佳節念親恩，特別推介我其中一首嘅主打歌「你知道嗎」，希望你地亦可以上去 download 送俾你摯愛嘅父母親喇！

先睇為快超感動嘅 MV：

http://www.youtube.com/watch?v=etJ01VgHByk 

 www.lambertchan.com