網誌分類：生活點滴 |
人到四十過外就開始諗吓將來退休嘅生活，要為未來生活打算。我早就希望可以五十歲退休，所以近呢幾年都好留意學吓點樣投資和儲蓄囉!
當然我唔係真係全力退休果種，係退而不休 la，到時搵啲唔駛咁辛苦嘅工，就可以自己做多啲有意義嘅事，例如音樂啦，事奉和做義工啦！
今日聽電台一個投資節目，一位師奶聽眾問節目中嘅「講股」主持，佢話好想儲多啲錢退休，為將來生活好過啲，而且為個仔設立個讀書基金咁話喎。
主持人讚佢好有計畫！點知問多啲就真係嚇死人：
呢位聽眾家庭月入 $13000，但係竟然想問主持人點樣可以投資股票賺一億喎！ 咁誇！？
唉！有心儲蓄俾啲仔女係好，為自己退休打算亦好應該！在好多人心裡面，當然係錢越多越好啦，但真係有需要一億嗎！？定個咁天文數字嘅目標是否有點不設實際呢？這是否已經超過咗所謂話為孩子讀書所需嘅儲蓄呢？！
佢俾我嘅感覺反而唔係一個盡責嘅家庭主婦，佢話為子女將來打算嘅只係一個借口，用來掩飾自己心中一個「貪」字！
www.lambertchan.com
pinky big head low.jpg
solo stand.jpg
DSC00368.JPG
