「星期綠」，與「Dr.陳」的約會。

呢日一早就出門。

約咗青去中華睇創意市集「星期綠」。

出門的時候便已有零星小雨。

好在自己有帶雨具。

 

去到中華，見到要排隊。

而我同青由朝都未吃過o野。

所以就落咗去流前10.2享用早午餐先。

候餐時間我o地兩個聯機玩太鼓。

亦趁間隙叫服務生幫忙申請咗張會員卡。

醫肚完畢后就開始上去排隊入場。

本來參加讀急口令之後可以有愛心環保袋送。

點知到我同青讀完已經派曬啦。

仲比個接待姐姐話我可以去唱RAP了，哈。

終于入到内場，見到好多環保團體的攤位。

好多產品都好有創意好新穎有趣。

 

大舞臺。

 

iMart 創意市集——「星期綠」。

 

小小米+小米+中米+肥米。

 

用布製成的本子，很特別。

好純樸、好自然的感覺，很喜歡。

 

封面中間部分是一個KFC伯伯對M記SAY NO。

周圍卻是一大堆M記的優惠卷，很有趣，哈哈。

把用剩的優惠卷很好地利用了，GOOD。

 

一個個DIY的環保袋。

最喜歡右上角的一個和右下角的一個。

我和青都各自買了一個回去畫，哈。

 

一些有趣的路名，確實創意十足。

瑪麗蓮夢“路”、掘頭路、蕩失路……

 

「別急，我們慢慢長大！」

 

一個名字很強大的組織——異（義）禾（和）團。

 

用背心做的環保袋。

  

一個創意創作社團暨愛心義工組織——電燈膽，哈。

 

製玩偶、飾物，手工相當精致。

  

一系列創意書刊，令人心動。

 

結束之後陪青去車站搭車，然後自己去了越圖。

在那裏hea一個下午等黃文琪同學放學。

窗外的雨越落越大，有點兒擔心晚上的演唱會。

心裏不斷在祈禱，浣熊請你不要來！

黃文琪同學放學后同我集合。

我o地去咗OK吃晚飯。

然後又係果度hea咗一陣玩pp。

跟住就準備起程。

有地鐵好方便，好快就到天河啦。

見時間尚早，我o地兩個就逛咗下天河城。

CD鋪D港版買到好貴，都係以後去香港買好過。

順路去咗春之花買咗D零食。

之後就一路直殺天體。

點知……

 

點知外面橫風橫雨，有遮等於無遮。

學rono話齋真係差D比風吹走我o地。

好多人都一直徘徊係天河城門口。

我同琪就豁出去啦，擔起把遮就沖。

沖呀！沖呀！沖呀！睇住呀！小心D呀！

未到天體我兩個背脊已經濕曬。

去到天體門口，見有個阿姨係度賣雨衣。

為咗欣賞演唱會時嘅舒適效果著想。

我o地就霖住買雨衣。

暴利呀！暴利呀！

一件雨衣賣到15或20蚊。

真係賺到笑啦，仲要大家都沖入去買。

我比琪賦予呢個衝鋒嘅任務。

成功沖入人群拿住幾包雨衣。

此時D雨衣已經所剩無幾了，大呼好彩。

出返來果時已經全身濕曬。

比人倒水o甘款，D頭髮仲係度滴水。

陰功，未試過看演唱會搞到自己o甘難堪。

 

終于成功進入演唱會會場。

穩到座位之後不久就開show了。

附近D觀衆大部分都企曬起身。

雖然我o地呢邊唔屬於正統FANS區。

但好在附近的觀衆都好HIGH。

尤其係我o地隔離果兩個著住迅生活會服嘅哥哥。

佢好識搞氣氛。超HIGH，超搞笑。

相反前面D觀衆就比較靜。

開場幾首歌EASON都係唱囯語歌。

觀衆開始有不滿的情緒。

繼而幾首經典曲目，例如《明年今日》等。

都只是唱囯語版而無唱廣東話版。

令好多觀衆都爆發不滿的聲音。

EASON唱囯語版《明年今日》果時。

我o地好多人都企曬起身好大聲唱廣東版。

後來EASON話佢監製聽到我o地o甘熱烈。

就叫EASON重唱一次廣東版《明年今日》。

呢段係成場SHOW爲數不多的高潮位。

D觀衆連人浪都玩埋，超HIGH。

期間有一part佢介紹樂隊。

講到其中有一個樂手成日唔擡起個頭，

佢就即興唱咗一句：“擡起你低過的頭來”。

我同琪聽到都即時叫咗出嚟，哈哈。

EASON同楊小姐果然係好死，哈哈。

今次跳舞快歌部分比較多，有點兒無奈。

最令人失望的是，演唱會最後竟然無encore。

全場人企曬係度點知only見到佢部車開走。

 

很不解爲什麽要唱那麽多囯語歌？

雖然呢度係内地，但呢度係廣東廣州。

只可以話佢唔了解廣州市場。

很不解爲什麽無ENCORE？

maybe場館要求挂，不過真的很失望。

K歌之王無唱到《K歌之王》。

 

可能開show之前期望太高。

專登去睇佢之前係香港果場嘅DVD。

真係好正，好令人期待。

真正到呢晚，落差實在太大，令人有D接受唔到。

 

總體上來講，EASON嘅唱功當然無可非議。

成場SHOW嘅歌佢都唱得好好聽。

呢點就絕對值回票價。

唯獨是安排上可能稍欠考慮。

希望以後可以去香港看你真正完美的演唱會。

陳EASON，加油！

 

--------------------------------------------------------------------

附rundown.

1.紅玫瑰（白玫瑰）
2.信心花舍
3.謝謝儂
4.瑪利奧派對 
5.路一直都在（新歌第一次LIVE）
6.聖誕結（Lonely Christmas） 
7.兄妹（歲月如歌）
8.愛是懷疑
9.要你的
10.閃
11.想哭
12.不如這樣
13.全世界失眠
14.我不好愛
15.浮誇（高潮）
16.富士山下
17.好久不見（不如不見）
18.淘汰
19.你的背包
20.十年（明年今日）
21.第五個現代化
22.演唱會（高潮）
23.明年今日（高潮）
24.夕陽無限好（高潮）
25.婚禮的祝福（驚喜）
26.葡萄成熟時
27.天下無雙
28.與我常在（高潮）

 --------------------------------------------------------------------