我參加bb組30米短跑呀

今日係一年一度既陸運會, 我都有參加, 係30米短跑, 地點係灣仔田徑場....

未出賽前, 梗係要食d野先喇, 於是我同我既私人教練(即係媽咪)同埋aunt 同uncle去左十八溪食lunch

好叻呀我, 自己筆飯食呀

未出賽先同私人教練影番張相先....

呢個係勝利既笑容??

好喇, 去到運動場, 需要少少時間熱身先....

嘩, 試跑已經一馬當先, 真係輸人都唔輸個陣呀!!!

好, 再黎多次....(連環快拍)

到步喇, 成績相當滿意!!!

我幫緊d哥哥打氣呀

Eliza姨姨帶我上去看台呀....仲有哥哥仔請我食糖----朱古力手指同埋芒果糖!!!

即刻同Eliza姨姨影番張相先......

今日好開心呀!!

後記: 媽咪話:

兩點幾走, 文懿一抱上手就撲在我個膊頭瞓左, 由運動場行去巴士站15分鐘, 再等多20分鐘巴士, 我已經成個膊頭梗哂, 再上架巴士抱住好似大嚿石咁重既文懿, 成個幾鐘才返到屋企, 結局係----返到屋企成個散哂!!!