文懿的發展

文懿bb到9月24日就有23個月大, 開始識講好多野......

識叫: 爸爸, 媽媽, 嫲嫲, 爺爺, 婆婆,公公, 姨姨, 哥哥, 姐姐, 姑姑, 表妹, 家姐, 朋友(望見相簿同佢一齊影相的就係朋友, 如cash, carter, 加加, 潼潼等), 亦識得我地幾個好親既人的名字......

對周圍事物的認識: 巴士, big bus, 大clock, train, taxi, van, 樹, 遮住左喇(吐露港公路中間d屏風), 入左隧道tunnel, 好哂呀!!! 花花靚呀, dust dust dust.....

能說出自己的感受: 好熱呀(之後開姑發脾氣), 好涼爽(見到d 樹葉或者flag隨特飄揚----佢就意識係有風=涼爽), 車車驚(佢一見到d有翼既私家車就話驚----因為佢識過一兩次呢d車行過時好大聲, 佢成個人彈一彈), 好開心(雙手高舉), 好野(又係雙手高舉), 一齊玩丫, 唔好呀(特別見到毛毛虫之類)

能認得出不同顏色: blue blue色, red red 色, orange, pink, yellow, green, purple, 黑色呀,

對答如流---

例子一 ：我：媽咪入廚房先!  文懿：跟住你呀....(跟埋我入廚房)

例子二：有一日佢同嫲嫲等緊車去醫院做物理治療，佢說：無red red的士，  green green的士都好喇!!!!(嘩, 我地笑到反枱!!!)

例子三:佢好鐘意食雪糕, 每晚食完飯佢就會咁-----

文懿: 食條條, (走埋去爸爸度), 食條條呀!

爸爸: 今晚唔食喇

文懿: (走去嫲嫲度), 食條條丫!

嫲嫲: 我都唔食....

文懿: (走去媽咪度, 仲拖住媽咪手) , 食條條丫....

最後成功有得食.......

一個剛剛學識講野的bb, 真係好爆笑架!!!