上學去了

　　今日，係我第一日返學，中學ｄ老師好好人呀 ! 講果陣都聽得明，唔識解到識為止。

        數學堂，玩自我介紹，全班得我一個最「魚」，我出到去我都唔知講乜好，淨係識得望住阿sir笑，不過d同學都冇笑，都算係咁啦。不過原來數學真係用英文教，來真嫁喎，嘻嘻，聽唔明，讀都唔想讀，阿sir一叫我，我就狂咁拎頭。不過星期三要默書，d字超長=,="。

       跟住上英文會話堂，超好玩，我地玩以小組形式比賽，我果組嬴左，好野!!!亦都打破左我ge紀錄，由我四年級開始，我就超少舉手答問題，一年之內，舉手唔會超過5次，我今日竟然舉左3次，竟然係一日之內拍住一年ge舉手次數，同埋我竟然全部聽得明個miss講乜(外籍)。

      之後就有一個小息，有個女仔行埋來同我講，我地握左手，我諗都算係朋友，不過唔係好熟。

      小息完左就到英文堂，個英文老師講得好清楚呀 ! 所以冇乜唔明。

      唉 ~ 雖然係就係識左個人，不過傾其他野果陣，淨係同果個女仔and我前面果個男仔傾過計，其他都冇傾過計，想當年(xd)，我轉校來果陣，都係人地主動同我講野，so依家唔知點解去識新同學，希望有待改善啦。