我的超Q嫲嫲仔

下午嘅時候,我又打俾嫲嫲仔(個名係Monkey仔改嘅,皆因佢叫嫲嫲做Granny仔)

佢一聽到係我之後...

               嫲嫲仔:'喂!你做乜呢幾日都無打俾我呀?'

基本上我隔兩日就打返大陸俾佢同佢傾電話,但由於嫲嫲仔八點正就瞓覺嘅關係,呢三四日都無打到...

              我:'呢幾日忙呀嘛!'

藉口!

               嫲嫲仔:'哦!我以為你唔掛住我Tim!

嘩!點敢呀!

               我:'我掛到發夢都見到你呀!

               嫲嫲仔:'我有啲嘢想同你講.

咩事呀?

               嫲嘛仔:'就係如果我第時死咗呢...你記住

                              問三姑姐攞返呢間屋嘅鎖匙喎!

                              咁如果我死咗之後你又想返嚟

                                探吓啲姑姐都有地方住呀!

吓!.......我忍唔住笑..................

                我:'你知自己幾時死咩?

        嫲嫲仔:'仲有三年囉!我算到自己得79歲咋!

                       過唔到80歲!如果我死咗之後無人煮

                        飯你食,你就去街食飯囉!姑姐陪唔到

                        你咁多架!

您真係好鬼細心嘅啫!諗得真周到!

                    我:'但您都未死,講嚟做乜?

            嫲嫲仔:'咁我講定先,到差唔多死個時可能

                           講唔到又可能唔記得呢!

又啱喎....但嫲嫲仔您又會唔會諗多咗呢?連我要去邊食飯都幫我諗埋!雖然我唔想你死,但我知生死係人生必經嘅階段,所以我會努力學習一切隨緣!

但其實人老咗就會對死亡睇得好開,已經無乜所謂!

而我個寶貝嫲嫲仔其實仲好健康,行路仲快過我,日日打牌過日晨嘅開心老人家嚟!

雖然學嫲嫲仔你話齋,今日唔知聽日事!只希望你日日開心咁就得啦!