夜晚練跑得個~苦

難得今日可以六點收工,於是一早返左屋企,換左對跑鞋,之後就跑左落去運動場啦~ 去到運動場之後見倒幾個人,一個係阿潮(佢冇換跑衫),一個係阿輝(佢剛剛跑完),一個係偉哥(休養中),而最後一個就係阿簫(呢個剛剛到.....仲未跑),所以我今次只有一個練習拍擋,佢就係阿簫啦....未開始果陣我已經同佢講我唔會好快(因為想快都唔得,好易冇貨賣),於是我地一路跑,跑左佢天慈之後回程,總共約13KM..唔知係唔係自己冇咩點練跑,跑左一半左右自己已經想唔跑,仲叫阿簫自己去先,諗住可以抖抖啦..點知佢仲叫我跑快D,唔好要佢等...(唉....我就冇氣啦.....想死咁...點跟你呀)...

好啦.........到左最後唔知佢係唔係知道我冇晒貨呢,佢都係要就返我,同我一齊跑返去運動場....咁就練左課勁甘ga長課啦....

練習距離:約13KM

練習對手:阿簫

所用時間:1小時11分06秒