想問你地對於亞嬌復出點睇?我發覺網上好多人圍插佢﹐又話罷買佢代言既產品﹐我覺得好多餘囉人地搵食啫﹐佢之前都係衰淫照又唔係殺人吸毒﹐我唔明d人點解係又反唔係又反﹐都唔知關佢地咩事﹐又要發起d無聊反嬌聯盟﹐講真唔鐘意咪唔好睇囉﹐做乜要拉攏其他人杯葛佢啫....
之前我係TVB討論區都同呢班友嘈過一輪﹐我唔係撐亞嬌只係我覺得佢復出冇問題﹐其實佢返出黎都要好大勇氣架﹐既然佢都肯放底尊嚴同不理世人既眼光﹐點解我地唔支持下人啫?
我想知你地點睇?拍淫照係咪真係咁大件事丫?香港地每日都有幾百人拍呢D相啦﹐問題係佢地係藝人D相發放左出去就好似好大件事咁﹐我唔信出聲反嬌果班粉皮純過蒸餾水囉