尋日收到一個客既email﹐內容如下︰
我在網上msn識左一個女仔,之後有次佢話屋企人上左大陸所以無錢食飯,我主動借左$500比佢買野食,但佢因為怕我係壞人,所以叫佢個肥妹朋友出黎拎錢再轉交比佢!佢話等佢D屋企人番黎就會還番比我!之後有一日佢話我係個好男仔,想做我女朋友,我應承左。佢話等佢媽咪番黎就會同媽咪講,安排我地見面。當中佢都有用朋友有事之類問我借近1千蚊。但到佢媽咪番左之後佢就話媽咪同爸爸要離婚,媽咪因為好傷心同要搞離婚既野,所以短時間都安排唔到見面。佢話等搞好離婚既事就可以同佢見面。之後有一日佢話因為婆婆知道媽咪要離婚好傷心,所以媽咪想同佢番日本鄉下探婆婆同散下心,會去2個星期!叫我一定要等佢返黎。點知佢打電話比佢肥妹朋友轉告我知,話佢婆婆死左!可能會留耐D,叫我唔洗擔心!之後佢話佢病左,係日本住左幾日醫院所以搞到唔夠錢番香港,叫我比錢佢朋友匯錢比佢媽咪!話番到香港一定比番我,我怕唔借比佢,佢番唔到黎,會連之前借比佢既錢都拎唔番,所以借左7000比佢!點知總是有理由話錢用左去其他地方,要再匯多幾千先番到香港!結果一次又一次咁借,前前後後由識佢開始一共借左60000左右比佢!到最後匯錢比佢之後,佢話佢已經番到香港!會同媽咪講要同我見面。但之後就再無辦法再搵到佢了...我不知道她的真實姓名,地址及電話....只有她銀行戶口號碼,及轉帳時既記錄收據!想問你們有辦法查出銀行戶口主人的姓名和地址嗎?收費會要多少錢?可以幫我追討回那60000和有關的損失嗎?
點解咁多呢d咁蠢既人﹐不論男女都成日上網比人呃﹐d人係咪真係咁急想識異性﹐定係平時好難識異性﹐所以稍為有異性同佢好傾少少就咩都比晒人呢?其實唔明點解呢個人唔報警囉!
13051_176204980973_61...
IMG_0048.JPG
DSC00290.JPG
可憐的小狗喧喧 2009-08-22 19:01
請你看看這間寵物店的"優質服務"
http://hk.myblog.yahoo.com/hyun20081231
米雪兒 2009-08-15 21:25
野蠻的我2009-08-15 23:10