尋日老細生日﹐成班同事返晒黎同佢慶祝﹐平時公司好少咁齊人﹐因為d人出晒去做野﹐尋日食完飯老細走左﹐得返d男同事同我o係公司﹐呢班男同事平時都同我玩得好癲既﹐唔知係咪我太冇所謂﹐所以攪到佢地老奉左囉!!
平時佢地返公司﹐我一行開佢地就坐左我個位﹐用我電腦賭馬睇咸網﹐再唔係我坐o係位佢地都要借我電腦去討論區睇波﹐咁我要做野架ma﹐成日都阻住都算啦!之前有次我去個廁所﹐出返黎d同事已經坐左我個位上緊網打機喇﹐我果時都未做完野﹐我出返黎見佢坐緊我個位﹐佢知道我企o係度又唔比返個位我﹐我企左o係度望住佢成5分鐘佢都冇反應﹐最後要老頂出聲佢先識比返個位我....
好似尋日老細一走﹐佢地又放肆喇﹐比晒自己d私人野我做﹐叫我幫佢地打自己d報告﹐其實唔係公司野我唔應該做﹐不過見得閒是但啦﹐跟住我買魚旦食佢地又話食﹐仲要坐o係我個位都食﹐我叫佢地小心d唔好滴到周圍係﹐呢頭講完已經滴落我位個地度﹐我初初笑笑口咁同佢地講叫佢抹返先好走﹐點知佢老奉咁話"你抹囉!!"我頂你個肺大個咁高大咁大﹐你唔係咁過份呀?我聽完佢咁講我好惡咁話"得!我抹丫ma!!抹完抹落你個咀度囉!!!!!!!"跟住另一個同事話"翠兒!!你惡呀而家?唔係嘛?"我話"咩呀?!當我傻仔呀!!知唔知咩叫過份呀?快d起身快d走!!!"
跟住佢地唔好意思咁行開﹐我就自己抹返個地﹐d同事係咪老奉左d呀?我又係咪真係太惡呢有?時做人太冇所謂都唔係幾好
張相岩岩影架﹐真係好肥呀!!!
13051_176204980973_61...
IMG_0048.JPG
DSC00290.JPG
傻狼 2009-07-12 13:21
野蠻的我2009-07-12 15:18
所以我話我冇錯囉
米雪兒 2009-07-10 19:46