尋日上午果段時間得我同老細o係公司﹐點知佢就開始為我洗腦同收買我﹐又講左好多好好聽既說話﹐我呢d出黎做野咁耐梗係知佢想點啦!!其實佢請我返黎既原因除左打理公司內部之外﹐佢仲想我做佢條針出賣其他同事.....
佢尋日同我講如果我可以幫佢做埋會計既野﹐我就係100%完美稱職﹐佢話而家已經好滿意我﹐如果可以幫佢計埋每日開支同收入﹐佢話我好快會加人工同埋好有前途﹐咁我從來都唔係d認屎認屁既人﹐我數學真係麻麻我咪答佢唔係好叻﹐我再話"張sir憑你呢句話我會比心機試下!!我真係好想跟你學野因為你好好人好叻!!(當然我梗係又駛出我把甜咀啦!!)"
佢再開始講其他人是非﹐又話我喺度做真係可以學好多野﹐但就話"你同佢地一齊做野﹐好既先好學唔好學d衰野!!"佢仲話"之前我有個女仔o係度做好似你咁架!!(似我點呀?)文武雙全好叻架!!(張sir唔好咁講啦!!我周身刀冇張利架!!)係呀不過個女仔佢冇誠信所以我炒左佢!!翠兒你知唔知一個人幾做得野都冇用﹐誠信係幾咁重要?!"我答"吓!!我擔屎都唔識貪食架wo﹐人地找多錢比我﹐我返去比返人架wor!!(呢個係事實)我算唔算老實丫?哈哈!"佢開始暗示d野話"係呀!咁先得架!我都唔明點解d人成日夾埋d同事整個老細﹐你地要知自己同邊個打工邊個出糧先得架!!槍口梗係唔可以對住個老細架啦!!你明架啦?"我話"吓?我都唔講是非既!!(都係事實)......
跟住下午我老頂返黎同我去左tea﹐佢已經知道老細中午洗我腦﹐我老頂話"你睇住呀!今個月出糧一定唔會xK!"我緊張咁問"吓!唔係嘛!咁會少左呀?"佢話"係多左呀!老細最叻呢招架喇!!收買人心!你對上果個男仔﹐第一個月出糧開票﹐老細問佢夠唔夠錢駛﹐條仔都未出聲老細就喺張票度加多個1字喇!!次次都係咁架佢想收買人丫MA!!"
我話"我無功不受祿﹐咁我到時點算呀?我唔會為左錢出賣人﹐我駛唔駛比返D錢佢呀?"
老頂話"你都戇居既梗係收啦﹐到時放D流料比佢咪得囉!!"
你地係我會點做?會唔會討好老細攞著數﹐定係做個頂天立地既人呢?
我其實應該繼續傻傻更更咁﹐令老細覺得我係一個口沬遮攔既傻人先得!!
13051_176204980973_61...
IMG_0048.JPG
DSC00290.JPG
kathy 2009-06-13 16:45
野蠻的我2009-06-16 10:16
傻狼 2009-06-11 12:08
愚人‧阿多尼斯 2009-06-11 09:42
野蠻的我2009-06-11 09:52
Starry night 2009-06-10 23:24
野蠻的我2009-06-11 10:08
Starry night 2009-06-10 17:15
野蠻的我2009-06-10 19:20
Babie Bling 2009-06-10 17:10
唔好唔記得同 Daddy 慶祝呀!