命運

果日尋鳥行動既尾聲﹐經過車公廟入去拜一拜﹐點知又比個師父捉住睇相﹐又係講得超準﹐佢話根本我條命係應該男人黎既(我爸爸以前都講過)﹐但就唔知點解我會生成女兒身﹐我份人好真唔假既﹐鐘意幫人好憎人講大話﹐佢話我犯左口孽(又一個話我講野太盡)﹐叫我唔好成日鬧人﹐要收下把口先得﹐佢仲叫我要改名添呀﹐因為我係男人命仲要係命硬﹐而我個名又太靚根本受唔起﹐又係話我旺我身邊個男人囉﹐不過d男人永遠攞完我d著數就唔識人﹐不過忘恩負義既佢地最後都會一無所有(有d已經死左添喇)﹐又話我要戒牛肉咁話﹐不過我覺得佢講得真係好準﹐連我家姐佢地聽完我講都覺佢準﹐不過首先要戒食牛肉先!

師父又係叫我做返製衣呢行﹐佢話其實飲食業係最旺我﹐但叫我先攪間製衣公司先﹐佢仲話我一定唔可以同生肖屬羊既人一齊﹐屬鼠既就會黑我咁囉(鼠既黑我不嬲都知)﹐年齡幾大都唔係問題wor!!

師父仲講得出我身邊有隻野跟住我﹐佢問我係咪拍緊拖既時候唔攪我﹐一單身既時候就黎攪我﹐我話"係呀"(咁的而且確係事實)﹐佢話隻野係保護我既唔係害我既﹐叫我唔駛理"佢"wor﹐師父話"佢"救過我唔係"佢"我已經死左喇咁話﹐佢叫我問返媽咪細個係咪應該有次係差d死左既﹐我即刻打比媽咪問下點知媽咪話係wor﹐所以我身邊果位"朋友"我都唔駛驚佢﹐仲要好好對佢添!!

果日仲o係車公廟轉左風車﹐希望黎緊d衰運走晒啦