no feeling

由於前日同家姐去左做gym同跳舞﹐攪到身水身汗個頭不知所謂咁﹐終於走去拆左把駁髮﹐順便修一修個頭﹐唔知點解做乜都唔起勁咁﹐希望過幾日返學既時候會積極返d啦!!!

早幾日細我8年個男仔向我表白﹐我聽完佢表白之後完全冇反應﹐佢仲寫包單話佢一定唔會好似我以前d男朋友咁﹐佢一定會照顧我關心我﹐或者我對愛情已經冇晒信心﹐同埋始終8年係一個好大既差距﹐不過我又唔想太直接傷害佢﹐我只係同佢講我唔想拍拖住﹐希望佢過左一段時間會冇左呢回事啦......

阿達有日飲左少少酒﹐打黎同我傾計﹐佢話好耐冇關心下我﹐所以同我傾下計﹐又話我係咪母愛氾濫﹐問我可唔可以揀個大過自己既男人﹐問我點解成日要照顧人﹐我同佢講唔會再有下一次﹐因為自己都好驚﹐同埋自己照顧人都好攰﹐我都好想比人照顧下﹐連阿達都話我d性格都唔會比人照顧﹐又叫我試下似返個女仔﹐到時遇既男人就唔會咁﹐佢都講得岩既﹐我自己都要改下自己既性格﹐唔好再似以前咁大癲大肺﹐唔好再似以前咁講野太直﹐少d出聲應該會仲得人鐘意....我知阿達真係當我係細妹﹐佢真係對我好好﹐我冇認錯佢呢個阿哥囉!!!

不過而家講咩都冇用﹐問題係男人o係我心目中﹐完全冇一個係好冇一個睇得上眼﹐究竟係咩原因攪成咁﹐係我以前受既傷害太深﹐我個傷口完全未好返﹐定係我已經唔鐘意男人呢?究竟我幾時先回復正常呢?