激死我!我好嬲呀!!!

爸爸醫病都醫左好耐﹐到依家都仲未返落黎﹐家陣佢公司都係媽咪打理﹐爸爸唔o係香港﹐佢果d癡飲癡食既豬朋都少左黎﹐早兩日有條專攞著數既死老野黎買鹿茸﹐媽咪話佢以前成日黎買少少野﹐就要老豆請佢食龍虾又要嘆冷氣﹐今次佢黎買果幾千蚊野又諗住癡﹐點知我阿媽冇理佢﹐就算點肚餓都唔提去飲茶﹐仲要條死老野比錢果陣o係度扮摷散紙﹐比著我老豆o係度梗係話唔夠錢由佢既﹐不過我媽咪堅持企硬﹐叫個老野慢慢摷會等佢wor﹐我仲讚我媽咪今次做得好啦!!

點知讚完佢幾日﹐今日我阿媽就比我鬧佢冇鬼用﹐話說爸爸又有個豬朋姓蔡既﹐呢條PK杏加橙不嬲把口都臭個屎﹐之前爸爸仲o係HK果陣﹐佢已經成日同我老豆講"唔知你死先定你隻狗死先?"我老豆只係笑笑口唔出聲﹐點知呢條PK今日突然殺上我老豆公司﹐我媽咪話老豆醫病仲未返﹐點知呢條PK話"醫咁耐?我係佢我就死左去啦!!醫咁耐阻住地球轉!!"

我最嬲就係我媽咪竟然唔出聲鬧佢﹐仲要返黎話我知條友咁樣﹐聽完之後我嬲到係咁話我媽﹐我話佢冇鬼用成日比人恰﹐我又話佢除左打麻雀佢仲識D咩?我迫我媽咪比個仆街個電話我﹐我要打去咀咒佢祖宗18代﹐我要咀咒佢聽日就比車車死....

我媽咪知我咁嬲都知衰﹐但就死都唔比果個人既電話我﹐因為佢知道我一定會打去"媽"到條友九彩﹐媽咪問我咁唔係唔出聲佢應該點做?我話"你應該話佢把口咁臭都冇得醫﹐應該要攞去人道毀滅﹐唔好O係度獻世丫MA!!!"媽咪同爸爸都話下次呢條PK上公司都唔開門比佢!!

知唔知我咁激氣咁嬲為咩呀?我唔容許我屋企人比人傷害比人話﹐邊個要呃我屋企人邊個話我屋企人﹐我都唔會放過佢﹐鬼叫我屋企人唔識保護自己咩!!