網誌分類：皮膚病 |
圖片
網誌日期：2008-08-17 17:41
(有兩張相片，可能會引致大家不安，驚既話~唔好睇相~)
：原來我唔係濕疹，唔係敏感，係俗稱生蛇呀~~~！真係俾之前兩個醫生累死我，我早三日前已經發現隻右手有幾粒水pop仔，俾佢地拖左三日結果生到半隻手背同手掌都係水pop，最慘係生蛇會跟神經線走既，生到邊度d神經線就受影響，會覺得劇痛，即係話越早疹治，範圍越細，劇痛就會少d，但我依家就俾前兩個醫生累到我受到不必要既劇痛，依d痛唔係講笑架~係神經痛，一日24小時都會痛，痛到隻手會震，有時又會突然間有幾下大大力咁脅你一下，痛既感覺一直伸延到右邊背位，真係拎著野都會跌落地！除左痛仲好熱，隻手好似24小時俾火燒咁！又會腫，沉晚開始隻無名指同尾指就腫左，屈唔埋！d水pop又開始越黎越大，周身既肌肉開始痛！今朝發覺個頭好痛，口滾鼻興，原來係發燒！
最慘係醫生話如果隻手d水pop謝左，曾經生過蛇既位置痛既感覺仍然會有，痛既持續性因人而異，有一個月，幾個月，一年，幾年，極少數人會跟你一世！嘩~~~~！我聽到真係咩心情都無晒！明明我一早發現，但家下要我受咁既劇痛，個心真係好唔忿氣~~~！
我個人都算忍到痛，但今次我真係覺得好辛苦~~~！早兩日都仲可以有笑容，但今日真係乜野心情都無！痛到咩都做唔到！沉日整完蛋糕既廚房，成堆碗都未洗！堆到岩岩先忍唔著洗左佢，隻手腫到連對手套都只可以套到一半入去！
我家下只希望痛既後遺症唔好咁長，始終唔係我疏忽喎~個天唔應該罰我痛咁耐架~~~！真係痛到無晒癮~~~！手又興，人又發燒，成個人好似俾火燒咁~~！！！
大家既留言我要稍後先可以覆啦~~~！因為手腕其實都相當痛，只係唔上黎呻吓唔得~~~~~~~~！
Wing Han，Amy，我星期一上晝要睇醫生，飯局唔會黎架啦~~~~！一年一度既飯局都無得出席真無癮~~！
以下相片可能引致不安，請作好心理準備先睇~~~！
CIMG5489-1.jpg
CIMG5477-1.jpg
CIMG5475-1.jpg
Cookie 2008-08-19 12:23
小心飲食, 好好保重呀!
見到你做手0禁, 都"鄧" 你辛苦.
紫雨 2008-08-19 09:31
Boogie家姐 ~~~ 我尋晚同我老媽講左你件事 ~~~ 佢話, 起碼要成3-4星期先會好返 ~~ 咁呢, 依個症其實係你身體差先會發出來, 係D有關神經線既病 ~~ 所以你好番之後, 一定要keep住好身體, 咁就唔會點痛 ~~~~
最近我老媽個雀友個先生都係咁, 重要係眼附近tim ar ~~~ 隻眼腫到好似雞蛋咁 ~~~~ 所以你一定要keep番好個身子 ~~ 咁就冇事架喇 ~~
加油 ~~ 萬一大吉利是, 如果依個醫生都唔得呢, 我可以幫你問下我阿姨, 因為我表妹一直皮膚唔好, 佢好似有個幾好既皮膚科醫生架 ~~~ 我可以幫你問下資料 ~~~~
Karman 2008-08-18 15:11
不用怕，記緊要多些休息!
我前年先生個蛇在左手臂加左邊心口位，好彩醫生一看就知，但要食足一個月藥，但痊癒後就痛足幾個月。
同埋你要留意對眼有無唔妥，因為會上眼的!
至於傻人飯局，等你好番再食lor!
最緊要無事!
d家務唔好做咁多，用住d紙柸紙楪代替啦!
Wing Han 2008-08-18 14:57
放心啦，王媽媽也有過類似經驗，係生係背部，痊癒後也沒有再好痛，而且也不會持續一年咁長時間，可能呢排你抵抗力弱，好好休息一吓啦!冇咁唔好彩o既，D醫生(人醫/獸醫)講mud都會誇張少少架啦，將最壞的情況講出黎ma，保持心境開朗，對抗病魔，病就會快D好架喇!最多，La La、2A班o既同學仔有mud好笑事我即刻擺上blog引你開心吖!
食飯呢D好少事咋，你好番再食囉，反正我日日都要食飯架啦!
Sa Sa 2008-08-18 13:22
陰公囉. 咁似我上次嘅. 千祈唔好整穿D水POP呀. 會有疤痕. 呢樣事少, 流到邊度嗰度又會再起水POP架, 好毒. 洗手都要小心, 水喉唔好開咁大, 會沖穿D水POP架. 熱水梗加嚴禁使用啦. 你有冇可靠嘅醫生? 我上次睇個專科好好. $2XX有4日藥, 睇左2次佢已經叫我唔好再返去睇. 不過一定一定要戒口, 真係少少都會即時發返出黎.
Get Well Soon!!!
tristar 2008-08-18 12:32
芝麻曲奇 2008-08-18 09:40
出過水痘後，身體雖然有免疫力，但病毒也會在神經細胞內潛伏，免疫系統不能察覺它的存在，雙安無事數十年，到了身體弱了時，它便引起帶狀疱疹。
徵狀是最常見腰、胸、背的表皮神經線受感染，有時可感染手、腳、面等。每次發作，通常是一條神經線受感染，所以只會是身體的左邊或右邊受感染部位首先會出現痕癢或微痛的疹，然後形成水疱，再蔓延至帶狀，然後水疱潰破或萎縮，乾傳後结痂，為期十數天，但之後的神經線痛可持續三星期，和患者有密切接觸即可能受感染成水痘。
家姐,
唔駛擔心, 會好快好番架, 多啲休息啦~~
芝麻曲奇 2008-08-18 09:36
什麼是「生蛇」？
「生蛇」危險嗎？
如何處理「生蛇」？
如何預防「生蛇」？
紫雨 2008-08-18 09:09
白痴龜 2008-08-18 00:33
creamy & B3 2008-08-17 23:36
我中學時代大腿內側生蛇，好番之後沒有再痛喇，所以放心la！
飲食宜清淡, 多吃蔬果,忌魚腥, 辛辣香燥, 煎炸食物.
多多飲水!
Minnie & Ellen 2008-08-17 23:27
嘩......嚴重咗好多呀, 咁多水pop盡量少接觸到水, 見到你又紅又腫就覺得好辛苦啦.
依家d醫生真係好求其, 對病人好唔公平, 比錢又醫唔到兼受苦, 真過份.
你要抖下休息多d呀, 手痛唔好再打字住啦.
chaichaichan 2008-08-17 22:41
睇 D 相真係比起前日嚴重左好多, 仲加埋你形容的病徵, 睇黎 lee兩日係發病高峯期, 你要多 D 留係屋企休息瞓覺, D 家務吳好做住 lor.
食飯事少, 身體健康最緊要, 等你好番我地再 call 齊人再食, 我地一年又吳係剩係見一次.
仔仔爸話提提你, 如果出水 pop 會較容易傳染比人, 盡量吳好比屋企人 touch 到 D 水 pop. 大佬出過水痘未? 未出過要小心 D.
另外, 拒叫你吳駛咁担心, 多數嘅人都吳會話好番仲有排痛嘅, 你安心休息下 la.
祝早日康復!