蜜絲瞓大脾

091003 - 蜜絲也可以是一隻很黏人的貓貓, 條件是某人不在他的視綫範圍之內...

這日他四腳朝天的躺在我一雙肥美肉厚承托力十足的大脾上, 而我則不住按動相機快門...

下午時份光線充足, 蜜絲顯得格外醒目~

做咩!?! 你想點對待我呀?

哦~ 你覺得我英偉又健美, 想幫我影吓相咋~

而家間屋得我同你, 嗰個成日嚇鬼我嘅衰人又唔喺度... (其實只係入咗房~  )

既然係咁... 我就可以放心lam吓手...

lam吓腳...

仲有腳板底~

又可以捉吓咬吓條尾...

玩極都唔厭~

(表情好兇狠呀!!!  )

不過keep住做呢個動作腹肌會過份勞累...

所以不時要稍事休息...

抖抖回一回氣...

然後再抱住自己隻雞腿...

唔... 索一索, 舒筋活骼呀~

睇準時機一大啖咬落去!

骨頭都照啃可也!

哎, 搏鬥完一大輪, 攰死貓...

呢個姿勢係咪好誘惑呢~~

講開又講... 呢孖大脾真係幾好瞓~

夠厚之餘又夠闊, 睇我啱啱郁嚟郁去都唔跌就知道真材實料!

瞓喺上面擰左又得...

扭右又得~

呀~~吖!?! 你做乜突然低炒我?

俾人睇蝕晒, 我仲駛旨意搵人要嘅!!!

不過, 身為麻甩貓, 其實點會驚走光吖~~

都只因貓奴婢懶過蟲, 無將啲相打格仔啫...

為了補償, 以一張唯美沙龍作結...