剪草‧手機

今早上網聽聽下收音機, 突有人敲門, 嚇鬼死, 正想扮沒有人在家, 可惜我個收音機開到鬼敢大聲, 個廳個窗簾又開左, 想扮都扮唔到。

原來係一個好粗獷既剪草男, 佢係屋主叫來同個前花園剪草, 哈哈, 可能個屋主見我地個front garden 雜草叢生, 唔打理下, 頂我地唔順 , 所以叫個人來剪草。

我開門時都唔唔知佢做咩, 佢道明來意, 咁ok 啦, 你有你剪草。

之後都唔放心, 想打比 Spicey 問下佢係咪會咁, 佢話由佢剪啦, 結果佢剪左一個多小時, 不過唔係剪得好靚。

說開打電話比spicey,  因為spicey 工作關係, 係唔可以帶手提電話, 所以每日入公司前佢要放手提電話在車入面, 放工先check 到message, 開頭來澳洲時, 佢日日lunch 時都會打比我講一會, 因為我打唔到比佢, 我同佢說 , 你一定要打回來, 因為我找唔到你, 如果我有咩事, 你放工先回家, 就太遲啦。

而平時想找佢, 我只可以打去佢公司, 不過我個人又簿皮, spicey 又唔係成日在個位, 有時又走左去第2度, 試過幾次打去佢個位, 係佢個上司同同事幫左佢接, 雖然我都識佢地, 不過都唔係咁好, 人地唔知, 以為佢有個痴身女朋友, 破壞我形象就唔好啦。

找他不可以打手提, 掛住佢時, 又或者有d 無聊野問下佢, 想吹下水, 都唔可以隨時打比佢, 或者send sms 比佢, 我呢個港女壞習慣, 唔可以延續下去。