肥仔廚師

不得不承認，我係極之喜歡jamie oliver既。

記得剛出道既佢，都仲算係瘦仔黎既，當年有線播佢第一集naked chef既時候，叫佢做型仔廚師。其實jamie oliver同型，真係關係不大。jamie之所以受歡迎，只係佢同你隔離屋個哥哥有多少似(當然講緊係如果係住係英國)，佢絕對唔特別，就算特別可能都只因為細個有過讀寫困難。

「讀書唔成唔緊要搵門手藝啦」 - 我記起家母都同我講過，今日如果要我再同後輩講，我會話讀唔讀得成書都要有門手藝。

jamie oliver就係靠一門手藝而令佢一嗚驚人。據說當年拍緊river cafe老闆既煮食特輯，而身為river cafe員工既jamie因為夠自信又夠多野講，而俾發崛出來的。

jamie既賣點就係佢簡單既用料，人人都做得到既煮法，因此被稱為naked chef。

人紅卻不忘本，jamie先與初戀情人結婚組織了小家庭，再辦了間為教導失學青年而設的餐廳，令失學既少年有機會學一門手藝，發揮自己既才能。

結婚生女後，jamie關心課題不只限於失學青年。年前他攪了一次革命，誓要以食身改變世界 - "jamie's school dinner"。英國有好多家庭夜晚都唔會開火煮飯，食個飽就會去訓覺，所以小朋友一日最正經既飯餐就係學校食。然而，英國既公學大部份都只會提供古靈精怪既炸呢炸路，食菜簡直係天荒夜談。長期食一d脂肪高纖維不足既食物，好多小朋友幾歲大就便秘，而且集中能力差得不能再差。而且因為未見過菜，大部份小朋友以為洋蔥係西芹，蕃茄係蘋果....叫人瞪堂結舌。

jamie親身去到學校廚房，為左一個信念工作。為的是要英國人健康起來.....

jamie在school dinner計劃中發崛了好一些dinner lady，她們更加因此而踏出了她們的第一步，出了一本又一本的煮食書，提倡父母與子女一起煮食。

jamie oliver今天已經是一個肥仔廚師，樣唔型唔緊要，只要做既野夠型就好喇！