長者爵士樂團

奏出退休樂章 由零開始 目標成立長者樂團
 (明報) 01月 15日 星期二

【明報專訊】男人退休有乜搞？一想到要由日理萬機的家庭支柱變成玩雀養魚的公園阿伯，大概一眾將屆耳順之年的男士都不免慨嘆「英雄遲暮、晚景淒涼」。62個加埋3647歲的老友記，卻決定奏出另類退休樂章，這班「長者懷舊爵士樂」的學員，大都沒有音樂根底；昨日首次聚頭，由零開始拿起色士風和單簧管，目標是一年後成立首個長者爵士樂團。

初學吹奏刺耳 長者堅定學習不怕難

聽音樂固然是享受，學音樂卻可以是毫不浪漫的事情，尤其在初學階段。眼見伯伯們花了半小時學習將拆成數件入盒的單簧管裝回原形，然後再花另外半小時學習呼吸、坐姿、每隻手指應放在哪個小孔、下唇如何覆蓋牙齒、如何咬緊管口但又不可以咬得太緊……然後終於到學習發聲，記者滿心期待悠揚的單簧管樂聲，未料眾人一同運氣吹出來的，卻是高低有別但同樣刺耳的，既像劏豬也像哨子聲響，原來手指用什麼力度按孔，怎樣運氣呼氣又有一大堆學問；伯伯們聽着老師講解，不禁相視苦笑。

一小時的「開學日」就這樣完結，整課學習基本功，離吹奏完整樂曲的日子不知尚有多遠。失望嗎？樂團中年紀最大的學員歐陽榮說得堅定﹕「學習任何新事物和未接觸過的技巧，都一定是難的，但決定了學便要克服它。」想起伯伯們苦笑過後又再專心聽講，亮不言倦反覆嘗試，老而彌堅的眼神中透着年輕人沒有的耐性和毅力，「一年後成立爵士樂團公開演出」，相信不會只是夢想。

爵士樂是退休男士共同回憶

<--- 音樂果然無分國界, 無分職業, 更莫論年紀吧!~

睇到呢篇日記, 好有感動放上自己既blog度...
我自覺已經好感恩, 我可以從小有機會接觸到音樂,
雖然我冇咩特別技倆, 亦冇係音樂上有咩個人之處,
但起碼, 我而家可以隨時吹自己想吹既樂章去娛樂自己哦!

眼見阿揚齌練Trombone長音都吹成粒鐘,
阿正, 小甜甜就成日都夾下長笛, 夾下big band,
連朋友仔只要留係家既時間都會盡花大部份時間去練琴, 練樂器,
個個都孭住十幾廿級既資格.
(即一個人同時擁有唔同樂器既八級水平)

我呢? 懶懶散散咁..
每次朋友仔問: "係度做緊咩? 有冇練野呀?"
我就會O左咀. ~_~"

睇埋呢篇新聞報導更覺慚愧..
六七十歲既"哥哥"唔理體力上, 腦力上既界限,,,
都來個"臨老學吹D打".... 我呢D後生"打壞"...
係咪應該都要發憤圖強, 振作一下呢?

的起心肝... 開始練考試歌..
其實我仲未決定係咪去應考...純試吹下考試譜, 出奇地好順...
唔.. 唔.. 可以諗諗繼唔繼續落去..

但又一諗起要比成千銀考試費,, 又係時間比上半年團費.
又要諗埋樂團八月去台灣參加管樂節件事, 仲頭痕...
仲加埋咩都加既年代....... 慘!

阿通脹先生, 你有冇諗過我呢D貧苦大眾架?
真係炒金炒股票炒樓既又有幾多人喎?
係咁捱貴野, 貴車錢, 貴飯盒, 貴早餐, 真係人都顛!

講返轉頭.. 四五十年後, 我變老太婆...
我吹奏既功力都應該有返咁卡, OK頂得住...
Come on~~ 小甜甜我地繼續玩Band到八十歲!
果然愛多八十年呀..嘿!

車
(但練SaxSax之餘, 我想比多返d小小時間去靈修,
or 去陪返我d出生入屎既好姊dd時間.. & 我最愛抒發既Blog)