憑信心, 把握機會?

感謝主! 感謝主! 感謝主!
我好耐冇好感動去打日記咯.. 
一路聽住靚靚聲表Jan所送所唱"誰是主角"既CD去打呢篇日記,
好有FEEL~ 多謝表Jan你!

主日信息~ "把握機會"
講者: 林天行傳道 [士師記 4:1-24]

林天行傳道,, 我會記住呢個講者.
印象計埋今次我聽左佢兩次講道都好深刻, 雖則年輕,
但講道時一d都唔沉悶, 到point而且真係內容令我有深刻反省.
http://www.yanfook.org.hk/tc/sermon.jsp?ID=350

打開講道大鋼"把握機會",, 一看, 一滴眼淚就由角流落來~~

1. 我們都有錯失良機的時候.
2. 錯失良機是因為信心不足.
3. 神可以用任何人.
4. 禱告求神用你領人歸主.
5. 若你順服, 神可用你超乎你所想.

呢篇"憑信心去把握機會"既功課...
係我近期發左顛去問神既問題... 居然.. 今日神就兜口兜面回應我!

林傳道用左 [士師記~ 4:1-24] 巴拉對神信心少既故事,
去帶出對神有信心, 要把握機會既功課.
http://www.gbcoventure.com/OnlineBible/OnlineBible.php?type=content&version=0&book=6&chapter=3

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

簡單呢篇故事內容:

迦南王耶賓大大欺壓以色列人二十年,  佢既將軍係西西拉,
以色列人就呼求神...

當時以色列人有一位女先知叫底波拉, 有一日叫左巴拉來同佢講:
"耶和華以色列的神吩咐你說：
『你率領一萬拿弗他利和西布倫人上他泊山去。
我必使耶賓的將軍西西拉率領他的車輛和全軍往基順河，
到你那裡去；我必將他交在你手中。』」
(我都明白巴拉諗咩,, 對方有九百輛鐵車, 以色列當時只係得d步兵仔, 點打?
係人眼中覺得無可能完成既事...點可能單憑平凡既巴拉去完成?)

巴拉就回應：「你若同我去，我就去；你若不同我去，我就不去。」
底波拉說：「我必與你同去，只是你在所行的路上得不著榮耀，
因為耶和華要將西西拉交在一個婦人手裡。」

巴拉就追趕車輛, 軍隊, 全軍都死於刀下, 只有走甩左西西拉.

西西拉就逃亡到一個婦人雅憶既帳棚, 雅憶不單只收留西西拉,
仲比奶佢飲, 比被佢蓋去訓, 等佢好好休息.

西西拉攰到嘔咁訓左, 婦人就取了帳棚既撅, 手裏拎著錘子,
慢慢行近佢身邊, 就向西西拉鬢邊釘進去, 西西拉就瓜柴.

應驗底波拉所講 "神要將西西拉交在一個婦人手裏."既預言.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

<-- 聽完.. 對我來講好大既震撼.
我地根本唔係d咩人, 既係平凡而又個無力自救既罪人,
我憑咩能力去面對, 去應付我睇來無可能做到既事,
我會選擇去逃避, 比好多藉口去掩飾~
"我點解唔去做, 點解唔繼續做, 點解做唔好, 點解做唔到."

只因為我地對神信心少!
並唔係我地有咩叻, 有咩好, 神要用我地.
神係可以用任合人去成就佢既旨意,
單單睇士師記呢篇, 神就用左普通婦人雅憶去收拾西西拉.
只要你順服, 神可用你超乎你所想.

我就覺得自己好似巴拉想起係兩件事, 我係好冇用.

1. 傳福音
~ 一直比好多無謂藉口唔敢開口.
"我唔識傳福音." <-- 遇到每個人都唔同, 唔好話傳福音,
同人溝通都係一人繼續學緊點"識"既功課啦.
"我唔熟聖經."<-- 熟讀晒聖經先傳福音, 我諗呢個世代, 只有牧師, 神學生, 屬靈深既弟兄先可以做. (我諗睇我blog既人, 得罪d講, 可以熟讀聖唔過十人.)
"我唔得架!"<-- 我諗婦人雅憶冇諗過西西拉就死係自己手中.

我好記得強哥講講過:
"傳福音, 聽到福音既人而信主唔係自己本事,
只係神要駛用自己去領人歸主做收割工作; 同樣,
傳福音, 聽到福意既人而未係呢刻信主, 我地唔需要太介懷,
因為我地亦有可能係做緊播種既工作." <-- 相常認同.

當我唱到"請差遺我",
我自自然好似好有使命感, 要更加向神邊人, 甚至陌生既人傳福音..
所以我要好好再重新裝備自己, 係傳福音上更加唔好比藉口再唔做, 唔敢做.

2. 感情上
點解無風我都要起浪?
點解我諗所有野都咁負面?
點解我永遠睇每一件事每一個人都咁悲咁差?
點解我唔好好順服神既心意去行? 點解永遠要包抝頸?

係我對自己冇信心?
係我對對方冇信心?
定係根本我對神冇信心?

我明明同神講, 我一定要帶朋友仔返教會, 傳福音為首要目的,
點解我只係送左初信小冊子之後, 跟住就唔敢再提信仰?
點解我連開口邀請對方返主日, 去佈道會, 一齊祈禱既勇氣都冇?

我就連一個中學朋友一直咁抗拒信仰, 我都鍥而不捨直到..
佢跟我上星期跟我第一次返教會, 仲會主動要求我同佢一齊祈禱..
點解我同一個可以分享生活開心唔開心既人, 我反而對住講信仰會"講不出聲"?

機會. 錯過左仲會唔會有可能再來過?
神, 祢可以再比個機會我嗎? 我再可以比祢使用去把握呢個機會嗎?

車
(想起近日幾個朋友受到信心功課既考驗,, 加油哦!)