婚紗照+餅咭+訂酒席

N 年以來去過既婚紗展都比我感覺係~~"關我咩事?"

第一次 N年前我做過婚紗舖文職出show, 做到痴線, 冇幸福感覺,
              只係知所謂折扣, 只係公司隨手打出來既電腦信.
第二次 上年既年中, 同朋友仔第一次感受下"婚姻大事", 
              正所謂時辰未到, 又係冇咩感覺. 不過好笑係,,,, 上年寫婚期係2010年.
第三次 今年情人節, 去到即將關門, 感覺好想食人!

今日, 終於"關我很多事"既情況下, 心境又有唔同咯.

特別鳴謝: 奶哥 (某間婚紗店大哥)
哈, 撥個輪比奶哥, 佢就搵佢d staff來接我. 慳返六十蚊入場 (三人). 哈...
真係識人好過識字呀!

訂酒席:
終於落訂咯! 會展優惠果然比普通時候抵好多!
果刻其實諗,, 仲未落訂, 仲可以有時間轉軚丫.......
但最終.. 都係算咯. 唔好再心多........ (雖則酒店價錢真係好吸引)

但都開心既係,,, 可以圍數減一千之餘, 仲有千五蚊飲食禮卷,
仲有送十磅兩層既美心結婚大蛋糕, 正, 唔駛切假野!

買餅咭:

美心一定唔係我同朋友仔既心選.
唔識講,, 大家都係冇乜好感, 而且覺得唔好食.
美心八折$38, 聖安娜七五折$36, 東海堂$39.

如果你問我, 我一定好想揀東海堂, 因為佢地既西餅真係好好味,
同埋只係貴幾蚊, 買夠150張就可以免費印自己D想上去餅咭信封度, 真係好靚.

可惜.... 唉. 
(就係因為送多個六張coupon而落撘, 但仲要九月前用左佢喎., 把鬼)
最後揀左聖安娜,, 送左六張$100蛋Cupon, 邊個想要, 我平d買比佢丫...

影婚紗相:

哈哈,, 朋友仔本來只係想影內景... 但前幾日同海星食飯,
我彈幾句比佢聽, "我其實都好想外景架"...
佢始終都好鍚我既, 會做我想要既野...

就係咁,, Join左Monalisa既plan...
"珀麗灣景區+外景區+台灣/新加坡"套餐...

嗚,好開心呀... 就連朋友仔係好唔鍾意去旅行既人都吸引到.

又可以有內景, 又可以有香港外景, 又可以去外地影.. yeah....
好開心好開心好開心...

台灣? 星加坡? 台灣? 星加坡? 台灣? 星加坡?

同場加演抽獎大行動.,, ,,, 三E抽到對杯, 攪伴器添...仲送埋比我地...哈

PS 我懶. 冇影到相,, COPY左網友既相... 因為咁o岩睇到人地個blog,
同我地發生既事差唔多哦,,呵.... tks晒.