食粥易吞過蕉!

人間真係有愛.....
逆市.. 政府之前仲想話比錢幫d被雷擗中既苦主,,
原意係好, 但始有d投資野, 白字黑字, 話點比人呃都好.
風險實有, 損手爛腳之後, 輸打贏要, 好似就那過d.

辛辛苦苦交來既稅, 就要貼一d想搵"風險低, 利潤高, 回本快"走折徑既人.
唔係化? (貪完蝕左, 仲要我地來貼?)

而家幾好丫.. 唔理佢係咪億萬富豪阿伯, 定係渣緊雞碎咁多$250既醫療卷阿公,
始終老人家勤勞一世都有為呢個社會出過一份力.
而家政府回報返少少甜比d老人家係好應該既事.
一千銀生果金終於落實可以放得落口食, 再唔駛因為一條蕉比人查家宅.

(講真,, 算死草呢個科案真係落實咁就慘, 好似我地呢一代..
個個都要迫住供MPF既,, 話咩個個退休都預計有幾百萬亨下半世喎...
生果蕉? 邊有你份呀? 皮都冇得過你食呀...
呢D縮數,, 真係拎住幾百萬年薪既人先諗得出.)

金融海嘯... 而家只係皮毛.. 我諗陸續繼續有野滲出來...
一年前, 全民皆股, 其實早應該預料到高峰唔會係永遠一直持續架啦.
不過貪心係唔會斷尾.. 唉. 但願經濟變差, 慢慢人心反而變返平淡就好咯.

真係樂善好施既,, 就唔駛迫我地來硬要聽你地五音不全咁同明星合唱高歌,
亦唔需要化恐怖過萬聖節既裝去耍大戲..來話比人知"我係做緊善事"!
有時候, 平民既街坊阿四, 佢地既品格情操比起一D笑到四萬咁好既有錢人,
來得實而不華!

見班老人家食得咁開心... 焗腸, 副焗腸, 你地呢d睇到慚愧嗎?
(我諗如果所有高層官員... 人工去頭頂點.. 最多都係去到二萬.
咁佢地就會盡力點諗民間疾苦哦.)

店名: 明記油器粥品
地址: 何文田愛民村熟食亭
消費: $40以下

世 界 上 無 免 費 嘅 午 餐 ，卻 竟 然 有 免 費 嘅 早 餐 ，傳 媒 爭 相 報 導 何 文 田 愛 民 村 冬 菇 亭 嗰 間「靚 粥 天 天 贈 長 者」嘅 善 心 粥 檔 ，其 實 佢 個 名 叫 明 利 油 器 粥 品 ，有 廿 幾 年 歷 史 啦！免 費 請 長 者 食 早 餐 已 開 始 咗 一 段 時 間

每 朝 7-11 點 ，兩 大 煲 熱 氣 騰 騰 嘅 綿 綿 靚 粥 就 放 喺 大 圓 枱 俾 長 者 任 食 ，一 煲 白 粥 及 一 煲 艇 仔 粥 之 外 ，每 位 長 者 仲 有 一 碟 油 器 送 粥 ，你 可 以 揀 腸 粉 又 得 、炒 麵 亦 得 ，唔 駛 入 息 及 資 產 審 查 架 !

<--取錄自OpenRice及blog友食評.

聽到有口痕友話呢d可能係宣傳, 綽頭....
我又唔見得因為一間小小冬姑亭.. 就會因為"每日做戲當宣傳"而會發大達.
我始終都會覺得.. 總會人間係有愛既.

車