網誌分類：正菜生活 |
圖片
網誌日期：2009-11-05 16:17
日期：10月24日(星期六)
時間：早上約8點半
地點：沙田路左轉沙田圍路，包玉剛爵士癌症中心對開
故事：
老公車我返工；
開車前，老公一如以往，把手提電話放於車頭錶版前面；
星期六，不太多車；
天清氣爽，無開冷氣，開窗。
車子於沙田路飛馳，去到包玉剛爵士癌症中心對出既十字路口，左轉入沙田圍路準備上大老山公路~~
放於車頭既手提電話，隨著老公高速掟左彎"飛"咗出窗外~~
老公把車慢下來，打壞車燈，落車走返轉頭執電話，再跑返嚟...係咪咪笑住咁跑返嚟~~
我：「咦？咁好彩無俾車碌過？！」
老公(由咪咪笑變為大笑)：「唔係，碌過咗！」
變成咁
display裂晒，爆咗，乜都睇唔到
不過….個電話竟然仲work囉！仲開以推開個蓋，打到電話，亦接到電話，果然係勁！
下面張相，影之前我專登按過電話啲掣，所以著晒燈，睇得清楚啲~~
不嬲都知 Nokia 啲機係 "襟" 跌，但估佢唔到俾車碌過之後都竟然仲打到電話囉！
