樂然一歲了~

2009年9月22日 (Tue)

時間過得很快, 轉眼樂然已經一歲了．．．．．

正日生日當天，我地約左到健康院打針，重要係左右大脾各一枝~

一歲的樂然體重有 9.13 kgs (約20磅)，身高約78 cm，屬中碼bb~  在健康院的發展監察中表現一般。。。 

樂然現正有8顆乳齒, 上四隻 下四隻，只是不太整齊~

已經能自行蹲下再站起來, 而且相當穩健

在10個半月已經開始走路, 依家行得很穩陣了~

很愛說話而且很會模仿，但唔識叫"ma ma"，只喜歡叫"ba ba" ~

最愛拿起電話放在嘴邊, 一邊說 “ba…ba ba ba”, 她可以講很長時間的喲…. 而且樂在其中~

細佬已經開始跟樂朗爭玩具, 也不是善男信女的一類, 發惡時也很大聲的啊！

(性格上係比哥哥惡，樂朗係比較和善的)

兩兄弟開始懂一齊玩，懶理哥哥只是說了一句話或是做了一個動作, 細佬也可以 ”卡卡聲” 的笑個不停~  (通常係玩捉迷藏~)

樂朗重成日都話: “細佬係我架！”

我話: “細佬係媽咪架”

樂朗話: “唔係呀！爸爸先係你架！細佬係我架！”

真的很高興看到你們倆可以相親相愛, 願您們一直都是兄弟同心, 互相扶持, 珍惜對方，畢竟父母也不能陪伴您們走得很遠, 走得很久……

樂然，祝您生日快樂！身體健康！已足矣！