Our 1st Pre-Wedding @ Taiwan

其實我仲有好多旅行遊記仲未寫....但呢篇真係好想寫呀~哈哈

先前11月頭去左台灣參加 2009年第四屆兩美髮美容世界潮流國際錦標賽.....同埋成班同學仔一齊去....我男朋友仲陪我一齊去埋tim~~~~

今次比賽帶左婚紗..好彩自己帶咋....因為整到勁多泥呀哈哈~...我地幾個一於唔執輸既心態....就o係呢個婚照聖地台灣....黎一次自化自set頭自造型自拍婚紗相...好彩我地個個都係用大機......同埋最好彩就係自己又係化妝師.........不過最遺憾係我男朋友件衫啦....其實我真係同佢一齊睇過恤衫架....但佢真係唔好睇..我頂唔順呀..哈哈...影出黎咁靚衰在佢套衫啦........不過睇我唔好睇佢啦哈哈~~~~

今次我地仲係3 pair人去呀...真係好開心呀~~~前一晚先o係酒店包車出發桃園影...之前已經睇左少少資料架啦....不過真係唔多囉~~~~真係好驚一切都唔順利....因為前幾日都係落雨同埋好凍...點知去到勁熱勁好天又無雲......完美呀!!!!勁白痴唔記得帶防曬...曬到好痛同好黑呀!!!

一早就要7點半起身...就set頭化妝,,,帶左支捲髮器去但因為變壓問題就到唔多熱...咁就是旦啦......好彩自己本身曲髮......之後佢地黎我酒店到join我...之後我地帶哂裝備...就一齊9點半出發啦~~~我地既行程係桃園既慈湖同埋大溪花海農場.....去到都好多人望住我地架~~~~不過好彩就係無香港人.........仲有一個台灣開婚紗台既人跟我們傾上tim呀..哈哈...........

因為我都包車係4個鐘頭..所以要好快影完慈湖就要司機車我地去隔離既大溪花海農場.......

影到5點幾...我地唔識走既關係......當地既職員放工帶我地去搭車仲親自做導遊帶我地行去桃園火車站.....係行左好遠架!!!..台灣人友善親切既程度....我去左3次都覺得台灣無惡人無壞人.....香港人應該多多學習呀!

我地作最後執樣....

慈湖...

影左大約差唔多兩個鐘就去左大溪花海農場...嘩真係好靚呀o個度......

呢度真係好靚架.....今次自己既親身體驗..令我感受到做pre-wedding 新娘注意d咩同化妝師既配合真係好重要呀!!!又學到野又影到靚相真係一舉兩得呀!!!!!!

不過我地仲未結婚住架........遲多一兩年啦~哈哈........台灣係我最想去影pre-wedding既地方架..宜家影左就唔洗去啦.....................我宜家最想去既係雲南呀!!!真係好靚呀~~~~~哈哈~~