初五...六...七..

終於寫到呢幾日喇 !!!!!

年初五

約左一班mama lunch聚會，老公呢日都係放假，但佢話要休息一天，所以就只係我同阿仔出動 !!

但呢日我勁黑仔 ! 我推bb車出尖沙咀，一早我已知尖沙咀地鐵站無lift出地面，咁我就去尖東站出啦 !再諗住行隧道去海港城果邊，點知.........一條隧道封斜路 / 一條隧道壞lift，我架重型bb車，我無可能搬樓梯，所以我就要沿海防道去海港城，再行返去LCX，真係兜大圈 !!! 攪到我遲大到，激死 !!!!

今次係第一次BB新年團拜，好開心呀 !! 我O也食完，仲去左玩具反斗城，仲俾阿仔試玩貴價玩具，果件玩具成 $13xx，真係貴左d，而且屋企無位放，都係玩下好喇 !!!

年初六　

開工大吉　！！

不過個心未係公司，只係返去睇下之前既email，悠閒咁過左上午，就放工lu !!

放工就返屋企喇 ! 時日休息一天，唔去街喇............

年初七

人日.....人人生日 !!!!

今日約左124 朋友仔 團拜

我o也去左Alli 既屋企， 今次阿仔仲可以見到 Mill既囡囡 "妹妹朋友仔" 喇 !!!

原本早於去年10月就見架喇 ! 但上次因天雨關係，我o也無去到探妹妹呀 ! 今次終於見到真身喇 !!!

2位BB都大個好多喇 !! 阿仔又係一見人就笑，仲識得望住妹妹唔停咁笑，應該都係俾女仔吸引左。阿Mill話囡囡好曳，但當日所見都唔錯呀 ! 不過囡囡真係文靜d，坐定定，相反阿仔就抱住都周身郁 !!!!

124朋友仔，我o也既話題去到講BB喇 !!! Alli / Iris / Kitman, 快d喇 ! 等緊你o也好消息，一齊傾BB經呀 !!!!!

好期待下次再兩B相遇 !! 阿仔會唔會都係咁樣望到實呢 !!!