【Rest In Peace】

呢排好似唔開心o既事一樣一樣咁發生, 未至於手足無措, 不過心情就係唔太好囉. 今朝細佬msn話堂妹同佢講, 嫲嫲過左身... 完全唔知點樣將件事同老爸講... 最終硬住頭皮打俾老爸... 感覺到老爸未至於好難過... 但... 該很難接受吧...

老爸想盡快過印尼睇下咩情況, 成朝就o係公司幫老爸搵機票, 始終聽日就要飛, 樣樣野都要快. 搵到機票, 價錢比平時貴左成倍, 不過呢d錢, 又係唔省得的. 雖則唔太想老爸一個人過去, 但又實在太急, 過到去又係雞同鴨講咩都幫唔到手, 所以細佬同我都決定唔會過去.

講真, 我無咩特別難過, 因為始終咁大個女都只係見過嫲嫲一次. 反而係怕老爸太難過, 事實上, 我覺得老爸其實都唔係一個活得開心o既人, 勞勞碌碌都只係為左糊口, 皇太后對佢又差, 同我地o既溝通都係一句起兩句止, 唉... 都唔知可以講d咩好... 但我好清楚老爸為呢個家付出o既一切囉... 希望老爸唔會太難過啦...