【煙民末日?】

尋日特區政府財政司曾俊華發表佢任內o既第二份財政預算案, 對於我地d打工仔黎講, 梗係好留意有無得減薪俸稅啦! 最終係呀, 薪俸稅係有得減50%呀, 但另一方面, 竟然加埋煙稅! 同樣係50%囉!

加左稅之後, 平均每包煙最少都要加$8!  所以尋日收工第一件事就係去睇下d煙有無即時加價. 由於發現便利店未加價o既關係, 所以決定去掃定d儲備.  頂丫! 每間每人都只係限買兩包囉!  不過... 唔怕, 有幾多間, 咪掃幾多間囉! 反正而家條街無野多, 便利店梗有一間o係附近! 連士多都照殺!  最終o既戰績係....

哈哈哈哈! 係咪嚇左跳呢?  兩包兩包咁買, 唔覺唔覺原來買左十幾包! 足足夠我食足兩個幾三個月!  買o個陣我都一路買一路笑, 覺得好似人地打仗d師奶趕住去超市買米咁!  不過唔係講笑, 好多大路煙早就沽清晒~

真係好彩掃左d儲備咋! 今日原來所有煙連稅竟然加左成$10包囉!  以我平時食開o既Capri為例, 平時買開都係$31, 如果今日買, 就要$41喇!!

曾生話係以市民o既健康為大前題, 講真, 個人覺得有一定o既阻嚇作用!! 唔戒煙o既都一定都食少d啦! 呢樣係無可否認的. 大佬, 卅幾四十蚊包煙, 點食呀? 但同時, 我亦都相信會助長左走私煙囉... 凡事都有兩面o既...

咁我今日又有無食少左呢?  唔... 無囉!  因為我一向都唔係食得多丫嘛~