【小欖必必焦】

上星期六(3月28號)約左班同事必必焦, 由於路途遙遠加上搭車麻煩, 所以早就打定俾XH借車. 朝早起身之後就先過鑽石山搵XH, o係樓下茶餐廳飲杯野先渣架車走. 原來... 我賣俾佢架車已經報銷左... 不過佢買返架一樣年份一樣牌子一樣顏色o既車... 好彩o既係, 佢都仲有留返個牌...

拎左車就過荔枝角兜艾美林先入小欖, 但感覺上架車真係無自己o個架咁好condition. Anyway, 我地架車同Candy老公架車差唔多同時間到, 所以好快就可以開始燒住野食等其他未到o既同事.

燒野食就燒得多, 呢樣野, 我估都真係無咩人試過!  

哈哈! 無錯, 係燒鮑魚! 味道仲唔錯添~ 呵呵! 食飽飽又玩左陣鋤大D, 玩完再燒. 由點幾燒到六點幾七點先走, 臨走前梗係唔少得黎返張大合照啦!

呵呵, 黎黎黎, 黎多張女子組先!!

走o個陣Emily伉儷, 艾美林同表妹都係跟我車, 先送Emily伉儷出荃灣, 再兜艾美林出旺角先送表妹返何文田. 由於XH無覆電話, 但我點都要還車, 所以上左朋友T屋企hea. 原來XH無帶電話, 唯有等佢食完飯先還返架車俾佢.

就係我入錶o既時候發現架車凹左... 頂, 又係呢d hit & run... 差唔多十點半先收到XH電話, 出尖沙咀接佢, 順便車佢o既朋友夫婦返將軍澳. 之後我地先去油站, 我入返油俾佢, 同時自首. 不過XH又無嬲, 佢仲好好咁話都唔sure凹左o既地方係之前有定真係我泊車時俾人撞... 但講真... 我都好唔好意思囉...