【草蜢忘我演唱會】

上星期五(3號)域奇表妹同肥仔過黎尖沙咀接我收工, 之後join埋朋友T就上左火車站隔離個商場foodcourt食飯. 食完飯就入場睇期待已久o既《草蜢忘我演唱會》!

今次係電腦買飛, 頭場, 坐第八行, 呢張相無zoom架, 係咪好似好近咁呢?

但其實並唔係想像中咁爽囉! 因為個台o既設計真係好有問題, d櫈夠膽死係差唔多平排咁濟, 前面d人又高喎, 完全遮晒囉! 域奇表妹又矮喇喎, 我地四個人d位調黎調去都係睇唔到, 所以又發揮港女本色, 不停爆粗. 最終前面o既小山叫佢前面o既巨山移一移. 好一幕港女移山!

呢張相就直情要企上張檯到先影到囉!

全程都要"丁"起腳尖黎睇! 勁辛苦... 想影相咩? "兀"高, 伸直對手再高抄!

見到佢地行過黎, 都冒住俾人鬧o既危險企上檯即影先影得到囉!

不過好老實, 今次個演唱會無上次咁好睇... 可能佢地跳舞跳得比較少... 加埋坐o既位置同個台o既設計影響, 其實都幾失望... even講緊已經係第八行... 全場最high應該係佢地三個都除晒上衫, Yo ~~ 呢d先係波架嘛!

睇到十一點幾先完show走, 雖則無咩點跳無咩點出汗, 不過話晒而家都仲未慣早起身返工, 所以都幾攰下! 不過好彩星期六唔駛返工o者~