不經不覺 daddy 已經過左身一年了 ... 原來一年時間真係可以過得咁快 ... 我既感覺 , 仍然好似發生左唔係好耐咁 ... 偶然我都會發夢見到 daddy ...
呢一年經歷左好多 , 開心有 , 唔開心亦有 ... 好多野都唔同左 ... 工作唔同左 , 屋企唔同左 , 家庭責任亦都大左 ...
其實我真係覺得好大好大壓力 !! 轉到一個完全唔同既工作範疇 , 接觸既係我一直都好陌生既 " IT " ... 我知道 " 馬死落地行 " , 唔識都要做 , 因為以我咁既學歷 , 唔做 sales 根本好難搵到錢 , 搵唔到錢 , 我屋企又點算呢 ?! 我唔係話乖到比哂 d 錢屋企 , 亦唔係話叻到而家我一個人搵 , 可以照顧哂成我家 , 但我自問已經好盡力 , 因為我好希望佢地既生活可以過得更好 !! 亦唔想佢地響呢方面憂心 ... 我果個月搵多 d , 咪比多 d 囉 , 真係無數既 , 亦唔會比少左 , 因為我知道屋企點都有開支 ... mummy 無工作 , 細佬未出身 , 我可以點 ?!
我都唔知點解今日會打左呢篇野出黎 ... 其實一踏入 5 月 , 個人已經好唔開心 , 一方面 daddy , 一方面係工作 ... 所以 ... 我諗可能我真係需要一個宣洩既渠道吧 ...
我無事 , 大家放心 ... 工作繼續 , 生活仍然要過 ... 香港人邊個會無壓力呢 ... 我明的 !! 我會搵一個岩自己既方法去抒緩我既壓力 , 處理好我既情緒 ... 我應承過 ... " Can't be emotional as before !! "
I'll be OK !!!!!
P1050542.JPG
P1080832.JPG
P1050594x.JPG
