要讓路喇~

一向用開大牛龜電腦的我，因為要準備BB出世，所以都要買部ＮＯＴＥＢＯＯＫ讓番個位出黎俾阿Ｂ用喇～

查實尼個課題都講左好耐，但我又懶又好似未殺到埋身嘛，咁咪拖咗好耐都未郁過囉，不過加下都原來三十幾Ｗ喇，真係時候的起心肝睇下買邊好部啦。

我係一個電腦白痴，尼Ｄ野梗係問我信得過的人啦，本來都有幾部睇中，不過講緊要七千幾，好似好貴咁，咁我又孤寒嘛，梗係又拖下先，睇下邊度又平先出擊啦～

果然唔心急係會有好野架，俾我等到吉之島出左個新年組合，$8888

我見有電腦喎，即問人尼部用唔用得過啦，信得過的人話，都幾符合我的要求，只要我揀到其他野，咁都抵喎～

咁我好俾心機揀揀揀，我見有空氣清新機，查實之前都打算買架喇，（不過係三星細細部座台新果部，果部野都要二千幾啦）咁我見尼部果樣都幾好，又係白色，於是乎好啦，揀埋第三樣啦，就係快速煲喇，加下８８８８有尼三樣野超抵啦，仲唔即刻俾錢咩。

我部新電腦，ｌｅｎｏｖｏ　Ｙ５５０ｐ

（我係推出後第二日去買，早兩日再去行，尼部野賣哂喇，即刻又覺得自己今次好醒喇）

ｓｈａｒｐ的清新機（白色）未用所以唔開封住

寶康達的快速煲　ｐｃ－６１００

（其實尼個煲我暫時未諗到有咩用，因為我都有個咁上下功用的煲，如果大家有興趣，我可以平Ｄ讓出黎，全新，有保養，盒都未開過架）