整風箏

琴日放咗學, 我地返屋企就做功課啦,
見 cherry 好快就做完, 於是心郁郁想出去行吓街...
(唉, 每日返到屋企都係做功課, 沖涼, 練琴, 有點悶麻,
剩係五六日先可以出去鬆一鬆….)
結果搞掂哂, 我地就去了 jusco 行街啦, 順便買買整風箏既材料!!

平日行 mall 真舒服, 人又唔多, 我地可以點行都得, 爽呀!!
行吓童裝部, 行吓十蚊店, 買好野就返屋企啦!!
七點返到屋企, daddy 已經準備定晚飯,
於是快快沖涼, 再叫 cherry 溫陣書, 又食飯 lu!!

一到年尾就比較忙, 忙住執吓 cherry 呢一年影過既相,
搵十幾張好既去做 calendar 同 Christmas card…
前晚 cherry 瞓了, 我都開機執咗個幾鐘,
琴晚 cherry 入房瞓, 我又繼續執相同準備整風箏啦…
不過 daddy 話唔識幫手整風箏, 於是我叫佢執相, 我就開工整風箏啦!!

我地想整既風箏又真係有點難度既,
我都失敗過一次先可以掌握到…
humm, 好難講點整, 等我地整好個型先影相啦~~~
而琴晚整到十一點, 到只係整咗五分一咋,
希望今晚再努力 d, 整埋成個型, 聽晚就到 cherry 畫公仔,
星期五可以順利完成交俾老師啦, yeah!!