台灣之旅2009之第三天

來到第三日既行程了，今朝早九點先起身，之後大家又開始收拾行李，又再準備今天既旅程

民宿大堂旁既小花園，夜晚有好多燈飾，好靚架！

交還鎖匙後，怡舜已開了車在門外等我們了，怡舜先車我地去食早餐，然後就向今天行程中既第一站東海大學出發了！起初我聽到東海大學既時候，都有啲猶豫，大學有啲咩好睇呀，但當我去到既時候，果然令我眼前一亮，淨係座教堂已經令我好興奮了！

如果香港都有個咁靚既教堂，附近又有咁舒服既草地就好喇！

响教堂影左一輪相之後，我地就再走入其他地方睇下影下相，呢個地方真係一個不錯既地方，响呢度靈修同祈禱真係一個好好既選擇

第二站，龍騰斷橋同埋勝興車站，相信如果唔係有當地既人帶我地唻，即使你知道呢個地方都無用，因為一來無車，二來拖住啲行李根本就唔方便，除非坐的士啦，不過又貴呢，而且唻一唻又走，又唔多抵囉，所以我地真係好感激怡舜車我地唻呢度

後面個山洞係可以行入去架，穿過之後又係另一個已棄置既車站

勝興車站，一個幾特別既地方，近年多左人唻呢度，其實呢度都無咩野玩，主要都係影下相，影完相之後，我地行左去附近一個飲客家擂茶既地方，後尾選擇左一個可以望到風景既舖坐低，原來親手做既擂茶同糯米滋特別好味架

望望個錶，已經差唔多四點了，我地準備要返台北了，回台北之前，怡舜先車我地去新竹另一個弟兄Jack既coffee shop，哈哈，佢仲特別整左兩份野食俾我同小涼，等我地兩個可能响回台北既路程可以食，真係好，好鼓勵！

離開coffee shop後，怡舜就車我地去新竹高鐵站便離開了，而由於高鐵delay，所以我地到達台北已經係七點幾，離House Church既時間都唔夠半個鐘，所以我地就急急腳跑向捷運站，攪左一大輪之後，我地先去到目的地附近，然後再打電話給台北既姊妹桂芬來接我地，最後我地遲左差唔多半個鐘先去到House Church。

台灣既弟兄姊妹真係好熱情，在House Church上認識好多人，每個人都好主動走過來跟我同小涼打招呼，又介紹我們去那些地方玩，還有就是送我們回姊妹之家！

十點鐘，我們由姊妹之家的其中一個姊妹良坤揸車送我地回來，落車後，我地又撞到另一個姊妹之家的姊妹Amy揸電單車返唻

良坤：Amy！快點，香港姊妹來了，幫她們拿行李上去

Amy：好啊！我叫Amy!

我：我叫Cherry，她叫Vicky，你可以叫她做小涼

小涼：你好！

我：請問電梯在那裡？我們要怎樣推行李去坐電梯？

Amy：不好意思，我們家沒有電梯的

我：沒關係，那你們住幾多樓？

Amy：五樓

我：吓！不是吧，我們的行李很重啊，我們可以抬上去嗎？

Amy：不好意思！我們要試試看

其實當時的我真係非常唔好意思，因為我既問題攪到Amy非常唔好意思，就係咁樣，我地用左十五分鐘時間將兩件大石頭搬到上五樓，好辛苦呀！不過都係值得既，因為可以慳返啲酒店錢，而且更可以同五個姊妹一齊住，所以都幾開心！

未唻到姊妹之家既時候，我知道呢度已經住左五個姊妹，加埋我同小涼，總共有七個女仔响間屋入面，所以我不停幻想呢間究竟有幾大，唻到之後，終於解答我既問題，呢個姊妹之家真係好大，有三間房，其中一間方係超大，呢間房住左三個姊妹Amy、良坤同埋小冠，而另外兩間房分別係桂芬同埋米雅，而我同小涼呢幾日就係會同桂芬一間房，好warm呀！