網誌分類：卓蔚篇 |
圖片
網誌日期：2008-08-08 00:17
卓蔚昨晚仲有發燒，半夜都要起身食退燒藥，但已經冇前晚咁高燒啦！今天一早，婆婆就要帶兩個孫睇醫生，好忙呢！
卓蔚睇完醫生，婆婆打俾我，醫生話卓蔚冇咩事，只係喉嚨發炎，所以會不停燒，啲菌又會影響腸胃，有機會肚痛、肚屙，食埋消炎藥應該冇乜問題了。而樂樂只係有啲感染，所以發燒，冇乜大問題。
卓蔚返到婆婆屋企，又打電話俾我，同我講
卓蔚：「媽咪，我有萬幾支藥水呀！」
媽咪：「唔係嘛？點會咁多？」
婆婆：「係呀，真係好抵，$330有10隻藥呀！」
媽咪：「駛唔駛咁多呀？咁嚴重咩？」
婆婆：「有好多都係有需要時服啫！」
媽咪：「咁都好啲，咁只食消炎、退燒同止鼻塞得啦！其他就看門口好了！」
p.s. 卓蔚食咗藥之後，已經退燒了，就算再燒都係37.1度，應該冇題了，多謝blog友們的關心！
