冬日柔順長髮的秘密

冬天好乾燥, 長頭髮既人就知頭成頭靜電既痛苦, 頭髮又乾又打結, 一梳就飛起晒, 真係好麻煩。

我D頭髮由細到大都又粗又硬又曲又鬆散, 如果世界上無發明負離子直髮, 我個頭可能大到睇戲要買2個位先得。(我半年先整一次, 忍無可忍先去整, 應該唔會太破壞地球掛......對唔住呀......)

做左負離子頭髮係直左, 但就好傷頭髮, 尤其髮尾一定會又乾又"鞋", 因為我D髮質天生異品, 所以用任何市面上既護髮用品既功效都唔多好, 有時只係第一次用就好滑, 之後再用已經唔得。我呀媽話：你想Ｄ頭髮靚就用橄欖油焗油啦, 以前D人邊有咁多護髮野咖, 用橄欖油咖咋。

但我實在好懶唔想包住個頭幾粒鐘, 就用左個快捷D既方法, 但效果都一樣非常唔錯。

洗完頭, 抹走頭上既水份。整濕對手, 滴3-5滴橄欖油o係手掌搓勻, 再塗上髮尾, 梳返順D頭髮。如果唔夠就重複2-3次, 再用風筒吹乾, 熱力令頭髮吸收橄欖油, 就有焗油效果。不過太多就好油啦要小心。

平日個頭乾既話, 就可以一樣整濕對手, 滴3-5滴橄欖油o係手掌搓勻, 再塗上髮尾。之後我就由佢自然乾, 頭髮一樣好滑滑咖!!

橄欖油天然對頭髮同皮膚都好, 而且平平地40蚊1L 又可以食又可以護髮, 慳唔少做treatment 既錢, 連護髮素都唔使用。