銀行家+鴨子一家=好人好事 or 多管閒事?

尋日睇到單新聞話有一家鴨仔係一坐大廈既1樓一個小平台築左個巢, 有一日, 當鴨BB 都ready 跳入水開始新生活既時候, 鴨媽媽就帶領呢D鴨仔跳落平台, 去搵河流。

有一個好心既銀行家, 見到鴨媽媽跳左落地, 但鴨BB就好驚唔敢跟住跳, 於時佢就落樓睇下有咩要幫手。說時遲那時快, 有鴨BB跳出黎, 銀行家出於本能同好心就接住呢D鴨BB, 同埋將唔敢跳既BB捉落黎, 仲開條路送佢地去河邊。

呢件事大家都睇到其實銀行家都有好人既, 都有愛心既, 而且我地都有救助弱小既本能。但我地有無諗過, 其實我地係救佢定係害佢呢? 好心可能做左壞事, 因為我地唔了解大自然啊。

其實咁矮既距離鴨BB係唔會受傷, 如果你有睇動物幾錄片就會知, 好多水鴨會o係一D高同隱蔽既地方生鴨BB, 呢D係佢地既天性。如果鴨BB唔敢跟媽媽跳落海, 佢地就無辨法生存, 呢D係大自然既法則。有幾隻唔敢跳既鴨BB, 因為銀行家都可以落到地面, 佢地將來如果又有一D需要勇氣既情況, 但佢地又唔敢, 銀行家又唔o係度幫佢, 咁點算呢? 佢會唔會因為少左跳落屋簷既經驗,生命中有咩缺失呢?

大家都應該聽過蝴蝶破蛹如果有人幫既話, 佢地就會飛唔起, 因為佢地既翅膀會無力。其實大自然之中有好多野都已經安排好, 只要我地留返空間俾佢地, 佢地就會有自己既辨法去解決。

當然, 首先我地就係唔好再破壞個自然環境先, 如果唔係即使大自然幾頑強, 都敵唔過快速既破壞, 即使有幾多好心銀行家, 都救唔到全世界既鴨仔。