醋澄

發生左一件事，我估唔到自己會有咁既反應，

從前我講過 “如果吳公子有左外遇我會點？冇計架啦，一係就分手一係就忍左去囉，唔係點啫”

就係昨晚，我地係房到睇緊戲既時候，

吳公子既電話響起，吳公子CUT左佢線繼續睇戲，

之後吳公子就去沖涼啦，佢攞住個電話話去充電，

但係佢就攞住個電話入左廁所，

期間我聽到佢講電話，

咩大陸番落離呀，明日方唔方便搵你呀？

就係講緊呢的野既時候，我聽到佢沖廁，

之後又係講同一番說話，又再沖廁，

咁佢沖完涼，一開門就叫 “肥澄”

呢一句 “肥澄” 令我更加懷疑佢，

之後我就好直接咁問佢係廁所同邊個講電話，

佢話同佢個FD，佢個FD係大陸番左離。

我問佢做咩咁溫柔咁講？

佢話 “溫柔都比你聽到？”

之後我冇再問繼續做我既手工，

我一直低住頭，手一直震而變得冰冰，我忍住我既淚，因為我真係懷疑佢，

吳公子 “你又呷醋嗎？係我既朋友係大陸番左離佢叫我去飲酒咋，有男亦有女呀，我想去架，如果你資助我就一定去。”

我有一刻係想去CHECK佢既電話，但係如果佢決意要騙我，我根本就搵唔到線索，

更何況我搵到之後咁我又要點做呢？我真係唔知道，so我就當我自己誤會左啦~

原來當我以為自己可以大大方方咁 “唉~如果係咪分手囉，有咩大不了”

點知原來我係做唔到架囉。

以上既係我多心？我真係唔敢去諗，

算吧，看日後再作打算啦。

當我睡了，吳公子用手摸我既臉，

是溫柔的，但卻嚇醒了我。