港女的不幸星期四晚

七點几，返到屋企。

返到屋企阿媽竟然唔喺屋企，打第一次無人聽，心諗︰今晚係咪無飯食呀?

再打又無人聽，心諗︰阿媽無樹呀麻?

再打又無人聽，心諗︰......

打俾家姐問佢知唔知阿媽喺边 ...... 「佢喺我隔離食緊飯喎，我地喺金滿庭，阿X打俾你你又唔聽。」

「無MISSED CALLS喎」

.........其實本人今晚無住家飯食o既過程仲未打完 ... 總之我今晚就無啦啦無飯食，唯有自己死死地咁沖涼洗頭落街買嘢食，作病口淡淡無胃口，唯有食呢啲︰

艇仔粥︰$18

多春魚+雞軟骨︰$21

我想喺俾阿媽o既家用度扣返39蚊雞。

啲雞軟骨根本就唔係雞軟骨嚟，失望。

好彩我返屋企之前已經食咗一串雞腎同一串雞軟骨。