Monchhichi 2008大事回顧

話咁快又到咗一年嘅最後一日

今年係過得相當快嘅一年，亦係令人相當難忘嘅一年

太多事發生，好多時嚟唔切去思考、去懷念就已經過去咗

今年令我開心嘅事有好多 ~

完成咗一個多年嘅心願、身邊嘅家人朋友健康快樂、

新工作總算順利、不可思議地係限定時間內完成一件Monchhichi認為嘅壯舉...

Monchhichi係一個知足嘅人呢

小小開心事就已經放得好大，乜嘢都笑得一餐

或者係年紀漸大開始明白做人唔需要太執著

又或者係睇到太多嘅不幸令Monchhichi深深感受到自己其實係超級幸福

身邊總有唔少愛錫Monchhichi嘅家人朋友，自己都算健健康康肥肥白白

相比起好多人已經好好呢 ~

今年嘅地震、風災令Monchhichi有一段時間情緒好低落

見到咁多人係一剎那間失去至親流離失所真係令人好心痛...

希望2009年唔好再有咁多天災，人人都生活得開開心心

HAPPY NEW YEAR !!!