媽咪破產喇!!

每次用喱條咩帶,佢都好乖架!!

連續三晚妹妹都咳到無得訓,我已經比左醫生開既咳同化痰藥佢食,

但都無效,前日又左燉蘋果,佢只食左少少!今日始終都要同佢見醫生.

醫生話佢好多痰,而且心臟雜聲多左,驚佢係因為心臟問題影響氣管,

所以安排十二月六號做ultrasound,睇清楚心臟情況,又洗錢喇!破產喇!!

   *****************************************************************

星期二老公放假,帶BOBBY仔去沖涼,佢好開心呀,近喱年,老公每星期

放假指定動作就係帶佢沖涼,因為佢失禁,尿尿會攪到佢唔舒服.細妹話,

連續兩晚都無烏烏聲喇!可能開始習慣,又可能沖左涼涼舒服哂.希望佢

活得開心.

  *********************************************************************

老爺做左化療,出奇地精神,並無嘔,只係少少唔開胃,下星期會開始做

電療,醫生話可能比較辛苦,希望佢撐得住啦!諗起果筆醫藥費就肉痛,

唯有慳D啦!!!