My School Life

突然好想講下6年鄭記既生活!!!
但係唔方便打o係xanga呢...!!!ha...
諗返以前...發覺我1直o係度改變緊!!!
睇F.1 - F.3果陣...可能你會好討厭我呢...
不過睇埋F.4之後既生活會好好多!!!
慢慢學識好多野...識諗左好多!!!
當中...我要多謝莊兆麟[呀Nick]!!!
莊生如果真係會睇呢篇野既話...1定要睇到最後呀...!!!
最後果段野...好多[莊兆麟]呢個名既出現ga!!!多謝你...

F.1"
衰到要班主任家訪...見社工!!!
每朝早會時間要去搵班主任check功課!!!
隨時比班主任check locker!!!
曾經要坐o係教員室做功課做到天都黑晒先走得!!!
由於學校附近陰森恐怖既關係...某Miss車左我返屋企!!!
我記得班主任同我講過...有人抄我功課係件值得高興既事...
因為寧願我有功課比人抄...都唔想我再欠交!!!
小6果陣我曾經誤交損友...夠膽去偷野...捉左...不過店主冇報警!!!
到左F.1...屋企人仲記住!!!成日叫我唔好再咁做!!!
所以同屋企人關係都唔係咁好!!!
因為佢地唔知道我已經冇同果d損友聯絡好耐喇!!!仲成日話我...
見社工...社工都知我成日都會為屋企人而唔開心ge!!!係佢地唔會體諒我!!!

F.2"
冇乜野發生...係咁請假!!!

F.3"
最曳既時期...但係過得最開心!!!我讀果班d人好有義氣!!!好團結...
因為貪玩...又唔識死既緣故...o係班房同人玩掟野!!!好幼稚呢...
我記得錯手將1個釘書機掟中某同學!!!令佢個頭流左少少血...
不過佢去office休息果陣...佢只係話自己唔小心撞左埋牆!!!

我地班試過...有10幾人1齊o係同1日唔返學!!!包括我-.-"
不過冇約定ge!!!收到衛生署電話先知我果班咁多人冇返!!!
結果...我地呢10幾人...連累全校第2日要戴晒口罩!!!

有1次比人罰放學留堂班...!!!同我果班d人1齊偷走留堂班!!!
入去簽完到襯個呀Sir睇唔到就轉身走!!!
第2日早會我地幾個比訓導捉左出去...寫缺點紙!!!
話我地瞞騙師長...不過最後都冇記到!!!
用1個星期罰企+1個放學留堂班+1個星期6留堂班黎抵消!!!

試過嗌某老師花名!!!佢就將我交左比訓導...
又罰星期6留堂班!!!原因係對老師不禮貌!!!

因校服問題...係咁比人記名!!!記到差d罰星期6留堂班!!!
結果同某訓導爭論左好耐...佢比左個機會我!!!

上上下堂...突然比訓導捉左出去問話!!!
結果我幫人隱瞞左逃學1事...對住個訓導講左個大話!!!

早讀後食住粒糖問班主任野!!!
其實我係唔記得自己食緊糖!!!真係超低能!!!
班主任輕罰我放學留堂班...不過我冇去...變左星期6留堂班!!!

永遠都唔做Phy功課!!!呀Sir發現左...好好人咁同我傾左陣!!!
仲比我自己揀個我上堂會留心既位坐!!!好1個特權...
之後我都有搵呢個呀Sir教Phy!!!最後統測Phy科拎到全班第2名!!!

同兩個同學因為唔想返屋企既緣故...
去社工室hea到9點...!!!
我記得我地去教員室唔知想做咩!!!
嗌入去...冇人應!!!不過有聲囉裡面!!!
原來個老師聽緊歌!!!呵...場面勁搞笑!!!

F.3既時候...我信左主!!!主幫我解決左人生好多既問題!!!
我信...世上冇咁多巧合ge!!!主好錫我...1次又1次咁比機會我!!!
o係學業上...又有弟兄姊妹幫我!!!會為我祈禱!!!

F.4"
冇以前咁衰喇!!!有個訓導仲無lala讚我成熟左tim!!!
F.3果陣識既朋友...大家都改變左好多!!!識諗左好多...
慶幸自己入左好團結既1班!!!學習氣氛都好好!!!
不過都有星期6留堂班既紀錄ge!!!
呢班好錫班主任...試過閃避球比賽...
我地班輸左!!!有同學喊...班主任擔心...突然暈低左!!!
我地好靜咁坐左o係班房...1個又1個咁喊起黎!!!
呢年最唔開心既事1定係比韓小姐代課代左1年Geo!!!
全班得兩個人Geo唔合格...我係其中1個!!!
豬Lin問我考成點...講講下...我突然忍唔住喊左!!!
豬Lin畫左張卡安慰我^^我仲有Keep住張卡ga!!!
最後有人幫我屈左韓小姐比多d分我...令我合格左!!!
暑假果陣...我生日果日本來要返學校補課...
不過由於交晒錢去梅窩玩既緣故!!!冇返學校...
Miss都好體諒我地!!!
呢1班好正...Lunch果陣1齊聚賭!!!
鋤大D...打牌...UNO...爭在未有魚蝦蟹!!!
不過我得UNO係玩得好!!!

[06-07]F.5"
呢段時間...我氣管敏感!!!成日咳...成日發燒!!!
食藥食足1年...同學照顧足我1年!!!
我d手指甲就算天氣唔凍...都會成日變左紫色or灰色!!!
醫生話擔心我會咳到窒息!!!
班內有人日日都會監督住我...甚至係餵埋我食藥!!!
不過我停左食藥好耐喇!!!宜家都仲未好得返!!!
試過連續3日返唔到學...有人專登買埋粥黎搵我!!!
同呢班d人好fd!!!玩得好開心...
1齊o係班房整Sport Day d野...整到好夜!!!
有人要練習8人9足!!!我同d人1齊o係旁邊支持佢地!!!
之後仲1齊玩到好夜先走!!!玩數字球...糖痴豆!!!
玩到比人趕走就1齊行去科大搭車!!!*
同d同學o係study leave果陣會返學校溫書!!!
不過最後係變左吹水ge!!!

[07-08]F.5"
我竟然只係欠交欠左4次!!!
係因為我應承左莊兆麟唔會再欠交!!!
我亦都因為應承左莊兆麟唔可以再唔返學!!!
我嘗試改改呢個壞習慣...!!!雖然都係請左好多假...
不過每次請假我都會識得內疚!!!
如果有幸繼續讀書...我1定會改!!!
呢年學識左好多野...識得關心人!!!識得體諒人!!!
以前成日都會同人嘈交...可能係因為好少既事就嘈1餐!!!
我1同人反面...我可以好耐都唔再理果個人...有人身受其害呢!!!
諗返起黎...我都覺得自己好過份!!!
無理由人地對我唔好...我就要對返人地差!!!
唔理佢地反而會更加好!!!至少我唔會令到自己咁燘咁唔開心!!!
我亦都係因為莊兆麟...嘗試去修補關係!!![[[雖然失敗左]]]!!!
係莊兆麟令我改變左咁多!!!乖左咁多!!!
同屋企人關係唔係咁好!!!因為莊兆麟...我嘗試同屋企人好好相處!!!
因為莊兆麟...我竟然可以成功戒到粗口...初初真係冇人信我會做得到!!!
因為莊兆麟...我好努力咁溫書...去應付每個考試!!!
學校成績真係考得好好...我從來都未試過拎到第12名!!!
HKCEE...係考得好差...呢年repeat F.5好似晒左1年咁...
但係我未至於崩潰...因為我呢年都賺左莊兆麟好多句既[[[比心機]]]!!!
呢1年...我竟然1個放學留堂班or星期6留堂班既紀錄都冇!!!
對比起以前既生活...你係咪覺得冇讚錯我乖呢?!
改變左好多...係件值得高興既事!!!多謝莊兆麟!!!*