澳門之旅2008 第一天

2008.11.08

plan左幾個月 原定既四日台灣之旅 取消了 一個月前轉為兩日既澳門之旅 終於出發啦 
我地既團員有 我同garry 肥倫 寶思 澄澄 靜兒 文邦 原本仲有yoyo一家三口架 可惜楠楠仲未好番 唔可以同我地一齊出發 =.= 希望佢快d好番啦

第一站 ~~ Crown酒店check in 放低行理抖抖  
仲有就係澄澄要飲奶同換片 間房好靚好正 廁所都大過我屋企個廳=.=
雪櫃既啤酒汽水免費的 (咁抵) garry同文邦即刻一人開支啤酒吹吹佢先 (=.= 兩位先生 家下先至五點渣 有冇早左d呀) 仲有靚到我以為係假既生果 (不過靜兒試過係no good既 得個樣) 零食同烈酒就要pay既 (咁就梗係唔食佢啦)

好鬼多人排隊呀 買包有老婆餅餡既合桃酥喎 不過排到先知係一早沽清架喇 老闆叫我地最好比錢訂左 第二日中午攞喎 ok喇 (試過之後 又真係幾正喎yummy)

第二站 ~~ 水蟹粥
原定今晚我地係會去寶石食翅既 but尋晚想打電話去book枱 上網一check 有個討論區既人留言話間店既老闆定大廚die左 冇開好耐了 oh.. no 一心想去食翅點知..... (我地亦去睇過 真係冇開幾個月了) 咁就轉去金莎食buffet啦 點知又話小朋友唔入得既 coz要經賭場入去喎 最後...文邦提意帶我地去食水蟹粥
大家好肚餓啦 起筷囉...

果然係good喎 個鱔真係一定要讚呀 好肥美 我諗個魚身直徑有成兩吋呀 好爽口 仲要每塊切成吋厚咁制 個魚皮仲要用彈牙黎形容添呀 超級好味

第三站 ~~ 威尼斯人賭場

澄澄唔入得賭場 but可以影下相既 大家輪流同佢影相喎
寶思就帶bb去育嬰室坐 我地就去拚博過haha 我win左兩百幾就收手lu 換我去睇bb 輪到寶思去拚博

第四站 ~~ 黑沙食宵夜 BBQ (12:30am)

黎到呢一刻 大家已經又累又餓喇 澄澄都已經在夢中添 睇下佢兩公婆個累樣 梗係啦 澄澄都幾重架 我地已經輪流抱佢架喇 
估唔到我地食野既戰鬥力都幾強架喎 宵夜都叫到一枱都係 haha

第五站 ~~ crwon賭場
返左酒店放低bb由静兒睇住 我地就去賭場 差唔多五點先返去訓

~~~ 報告完畢 ~~~