最近又懶散了！五月尾的旅行，到七月先寫。算啦！我是無藥可救！就是時候發表本人的旅遊趣事。
五月（現在都算是）是流感高峰期，那時大阪爆發得很嚴重，香港卻少貓三四隻。大家一聽到我快將去大阪，就說我路上小心。有位好心朋友，專為我去買個別包裝口罩（雖然不是綁帶），真是多謝她！我兄長一知道大阪爆發，就立即致電問我可否延遲。機票和酒店都訂好，當然不能返轉頭。
我這個不孝子女，到了出發前幾日，才致電通知父母。不過，母親反應竟然......||||
我：我下星期唔在香港......
母：得啦！唔返黎！
我：（心想：唔通你知我做乜！）你知唔知我下禮拜做乜？
母：係呀！唔返來做節（端午節）！
我：我去日本！你知唔知？
母：哦！同大佬去？
我：（帶激氣的語氣）我點會同大佬佢地去？
母：你唔係同大佬佢地去？你大佬話唔返來做節......
我：我同我朋友去呀！你諗乜？
母：...............................................
正常的父母知道自己孩子去流感熱區，自然擔心一下。我兄長已經做這一步，我弟弟知道以上對話後都無奈。可是，母親這反應，好明顯，心裡只想她孫女他們為何不返來做節。雖然通話前擔心怎樣向父母交代，可是見到以上反應，真是勁無奈。
儘管如此，第二晚她已經問我有無帶什麼清熱酷，以免我中招。算！她性格就是這樣。
希望盡快寫第一章......
