親子電子琴班 - 第二堂

2008年7月6日(星期日)

原本係星期六上堂的, 但晴晴要去學校排練畢業禮表演, 所以改左係今日。一早就叫醒晴晴起身, 連奶都無飲就趕去上堂la!

去到琴行行, 老師帶左我地去另一個課室, 同晴晴唱下歌, 打下節拍, 相信這樣安排, 係可以等晴晴warn up下, 等佢無咁緊張。之後老師要晴晴彈返上次教既音符, 晴晴都ok, 只係有少少錯jar! 我同老師講, 晴晴平日都有溫習ka! 老師都讚晴晴好叻呢! 跟住, 就學低音C調, 同埋高音D調。學多左野, 晴晴都開始有d混亂, 唔知邊隻手打邊隻手。我諗返去屋企都要練習多d先得。差唔多教左15分鐘, 晴晴開始無咁專心, 所以老師都無再教晴晴新野了! 老師同我講 : 晴晴都算乖, 以佢年紀, 肯定定坐15分鐘都算唔錯了! 而家佢又肯學、肯聽、肯彈。

放左學後, 我問晴晴 : 你仲想唔想黎呀?

晴晴 : 唔想la!

我 : 點解呀? 你唔開心呀?

晴晴 : 唔係......好辛苦

我 : 係咪早起身好辛苦呀?

晴晴 : 係呀!

哦.....明白哂, 我諗真係太早俾晴晴去學了! 要夾硬叫醒佢起身, 真係好辛苦咁, 等我同老師再商量下時間問題先。

講真, 想晴晴返興趣班, 都係想培養佢興趣, 想佢可以開開心心去玩, 如果要我迫, 同埋令佢唔開心既話, 我真係情願佢唔返。