St.paul's 家長日

07-11-2009

St.paul's Kindergarten 家長日

今日係Demi K1第一次嘅家長日，本來只係Mami同Papa兩個去，但咁啱Demi今日要買PE Uniform，所以帶埋Demi一齊出席。

當Mami Papa同Miss Lam班主任傾緊計時，Demi就喺課室一邊玩玩具，佢不時望住我哋，好似好想聽埋一份咁.....而Miss Lam就話Demi好似個日本公仔好得意！之前啲同學仔Mami都咁講，唔通真係咁似？？

Miss Lam話Demi各方面部都ok，唯一係有啲心散，好容易比身邊嘅人同事分散自己嘅注意力，呢點我同Miss Lam講我都知，因為之前同Demi返Playgroup，都留意到佢有呢個問題，不過好在Miss Lam話佢散得嚟又會知教咗啲咩，亦會答到佢問題，所以問題不大，好在啫..........最好笑係Miss Lam話Demi好鍾意同佢傾計，每日返到學校傾到老師同佢講夠鐘要上堂喇，佢先停，原來Demi成日同Miss Lam講佢跳Ballet同畫班啲事，上次同Miss Lam講整咗隻小龜仔比Papa，Miss Lam知道我每日除咗帶Demi返與趣班，仲會同Demi温習，教佢寫字，仲讚我呢個Mami做得好好！經過今次家長日，可以令我知道Demi喺校內嘅好多好多我唔知嘅事情、學習進度等，真係唔可以睇小呢短短十幾二十分鐘嘅家長會！

今日派咗份主題學習評估報告比我哋家長，因為學校係無測驗同考試，所以唔會有成績表，不過都一樣咁好開心呀！因為Demi全部都做到哂！各方面發展都全部掌握到！