爆谷殺人狂

媽媽上星期六話比我知她要返工, 但點解爹爹放假的 我要爹爹返工, 媽媽放假呀!

原來媽媽全日有節目

早上她要去做晨操 (QE話的) (美孚)

下午約了QE, 牛E, 牛腸食中午飯 (元朗)

之後她們連同QE的朋友去睇話劇 ~ 爆谷殺人狂  (重演)

媽媽等待此劇已經很久的了, 還有這劇是媽媽休魚期後, 第一套去觀賞的舞台劇, 及是冬眠前最後一套舞台劇 (應該是) ~ 媽媽點解要冬眠? 今次唔關我事的

內容好精彩的:

故事講述美國荷里活情慾血腥片大導演（魯文傑飾）在奧斯卡獲獎夜，搭上美艷的成人雜誌名模（唐寧飾），正欲共享雲雨，兩名連環殺人狂（陳文剛及魏綺珊飾）卻在此時潛入大宅要進行密室殺人，還通知所有傳媒，誓要進行殺人直播，槍林彈雨下收視瘋狂飆升！ 

媽媽一早睇定前傳, 知道晒2位主角如何變成殺人狂

以下是媽媽的感想:

文剛兄今次個造型好型仔, 不過..................未修身 反而給倆位電視台採訪員搶晒鏡, 嘩! 那2位人兄人姐的肌肉線條練到很美, 睇見都.................

沒有想到一套劇可以有那麼多...................粗口對白, 但又講得鬼咁自然流利 (呀豬應該去睇) ~ 不時在街上聽到人講都沒有咁自然

仲有那幾吓槍聲, 原來是真槍來嫁, 嚇了幾跳呀!

文剛兄做得很粗豪, 思想簡單,  錢 ~ 有咩用呀? 想要的就去搶, 唔滿意的就殺人, 殺人不是他的錯, 錯就錯著那人抵死 ~ 好呀! 正呀 !

但魏綺珊今次就被搶了不少風頭, 一點都唔起眼, 好像配角咁 ~ 只跟隨男主角

飾演大導演的魯文傑, 雖然是好戲之人, 但仍然有很多鑼C位

唐寧飾演一個拍過PLAYBOY封面的封面女朗, 已經沒有人記得她也是一個明星, 全劇我覺得最搶鏡的是她, 她真的做得很放, 尤其是那場挑逗戲, 平時在公仔箱見她總是詩詩文文, 隣家小女孩咁, 想像不到她可以有這樣的演出, 唔怪之得07年獲第十七屆香港舞台劇獎最佳女配角(喜劇/鬧劇)提名啦~ 仲有呀! 她由做童星開始, 我已經好喜歡她的了, 一直都覺得她運氣不夠, 她的演技好過公仔箱那班自命姐仔多多聲啦 ~

劇終時, 各演出者都提及責任問題, 誰人要負責?

是社會, 是電視, 電影令到Jackal及Simone變成殺人狂?

是大眾令傳煤變成沒有道得標準? 還是傳煤令大眾變成咁?

電視, 電影反應現實? 還是電視電影令到現實更醜惡?

是誰人的錯? 自尊, 自私, 自大是誰人造成?

物質主意社會要唔要負責?

真的有好多問題要反思....................................

謝幕時, 文剛兄照例說出至謝詞, 照例忘記要多謝的名單, 照例由各人提點, 但他景然記得牛姑牛腸結婚一週年, 掂呀!

完場了, 又到影相時間, 媽媽是第一次留下影相咋

睇吓2位主角是否型爆呢~

唐寧好鬼靚女呀!

P.S. 之後媽媽帶隊去扣物 (團友要求), 再之後一行10人食法國菜, 我和爹爹及姐姐都有份的, 留意下一篇