返學

好耐冇寫blog啦

9月1日

 今天是靖男第一日返學,佢著起校服個樣好得意,今天8:30a.m.起床,9:30a.m.去到學校就和一班小朋友一起唱歌仔,做動作,他都很開心,唱完歌就排隊去廁所,佢冇疴到呀,可能怕陌生,之後就坐下,bb班的一圍枱,有5個小朋友,飲水水,食生果,有香蕉食,但靖男都唔食生果,老師話佢唔食比佢摸吓,聞下都好喎,靖男又唔識用柸食水,老師就教我用兩隻手指幫他合咀,等d水唔會溜出來,佢都飲到幾啖,之後就入房和他做練習大約半小時,然後便出去畫畫,老師讚佢畫得好靚,仲識填顏色,好有天份呀.好快又到11:30a.m.唱完放學歌先走,要坐下唱的,但佢又唔坐,咪叫佢幾聲坐囉,點知佢就眼有淚光了,但都冇乜點喊,因好快就放學了,今日返學都算幾好啦......

回到家,我用柸裝水比佢飲,佢好開心就飲,都是我用手指幫他閉咀的,都叫有進步,起碼佢願意用柸飲啦.晚上8點幾,靖男無啦啦發燒,又有疴喎,屋企d退燒藥已放得太耐了,所以沒給他食,我立刻幫佢沖個暖水涼和食保嬰單,食完佢冇燒了.

9月2日星期二

靖男今早5點幾係咁陏來陏去,原來他又發燒,都是微燒,我又給他食保嬰單,諗住止住先,睡醒先去睇醫生,今日都係唔返學啦.醫生話佢感務而引起腸胃炎,回到家食了一次退燒藥就退左了,靖男一直都很精靈,沒有什麼疲態出現,咁就好了,明天可返學啦......

9月3日星期三

靖男今日第2日返學,老師大為緊張,因他昨日發燒,今日就返學,左問又問,我幫佢探完熱,老師又為他探熱,今日靖男好乖,老師都話佢好合昨,靖男好似好鍾意學校咁,見到門口都冇拉住要走,但今日唔很用柸飲水,只飲得一啖,今日排隊去廁所,佢有得疴了,仲疴左3次添,老師都讚佢好大進步呀,叻!叻!佢地d廁所係牆上有扶手,下面是一條水漕,男仔要企企疴尿尿

9月4日星期四

靖男第三日返學,今日比昨日有點不合作,好多時唔坐下,行來行去,要比車車佢先坐下,今日佢又有疴尿尿啦,疴了3次,hehe~~今日靖男玩紙磚時,有個大過佢的姐姐爭玩,一手堆跌佢,老師立即扶起靖男,同個小朋友個班主任講,點知個班主任未開聲,個靚妹已喊定先啦,之後老師捉佢過來同我講對唔住,我便原諒她,叫她下次唔好啦!

9月5日星期五

今日返3個鐘啦,9-12,11:30食飯,食完走得,靖男好叻,有添飯,飲了2啖湯,但今日都係唔肯食水果和用柸飲水,今日有蘋果食,於是我就食埋佢.

9月10日星期三

今日要全身而退了,12:00p.m.先接返佢,我出了學校門口,真係好想喊呀,靖男每天都陪著我,忽然間佢又唔係我身邊,真係唔慣,又唔知佢適唔適應,又擔心佢會喊,我接他放學時,他一見到我就喊得好大聲,我在學校門口,佢係咁指著我,老師開門叫我入去時,他第一時間撲向我,我也第一時間抱起他,掛死我了,老師話佢好乖喎,唱遊和其他時間都坐得好定,冇周圍走,又會坐定定聽老師講故事,老師都話佢虾呀媽呀,我走左之後都冇喊,係到尾時,佢飲了一啖湯唔想再飲,但老師要佢飲多啖佢就開始有2滴眼淚唧出來,然後我又來了,他就成機喊了,今日係一個好開始,繼續努力呀靖男!媽媽支持你呀!

2008年9月17日星期三

今天靖男返學時喊,之前都冇喊的,今日無啦啦喊,係狂喊果種,聲都沙埋了,好采老師話佢係返學開頭喊,之後都冇野,我去接佢放學時又喊,我真的不忍,但冇法啦,又會咁,老師話係會的,因開頭唔知會咁耐唔見我的,依家知道就唔制囉,希望佢早d習慣返學啦!佢連呀li同佢沖涼都喊,之前都冇野架,今日開始又喊,佢好攪笑,唔鍾意張椅子墊,人地整好左,佢就全部整哂落黎,見一次整一次,又唔坐梳化,成日在地下趴,瞓,整到成身成腳都黑嘛嘛,我咪叫呀li日日都要陀地囉,我還攞左支沙威隆去比佢沖涼用呀,消毒消毒.

2008年9月18日星期四

我今日23週啦,妹妹好活躍,我都陀得好舒服,今日湊靖男返學又係咁,去到一邨佢就唔制了,入到學校仲狂喊,但今日冇昨日咁勵害了

2008年9月25日星期四

由於颱風關係,23,24日都冇上學,今日妹妹在我肚裡6個月了,都是很活潑,我知佢一定係個活潑可愛的小女孩,今天bb返學和我分手時一入課室就喊,老師一見到佢,連老師都認不住笑,靖男行過去,老師就坐著抱他坐大肶,他就立即收聲了,今次好快收聲,我睇佢已經習慣了,我好開心呀!

2008年9月26日星期五

今日只有我湊靖男返學,靖男今日好乖,佢出到一村都冇扭計要拉住走,但佢有發出唔制的聲音,我講了兩句,佢就冇事了,今日自己行返入學校,唔洗抱,入去時都只是出兩句聲,冇喊喎,哈哈,是好的開始.....

2008年9月29日星期一

今早湊bb返學途中,在太古城中心去廁所,佢入去見到洗手盆上寫有數字,7,8,9,他就讀出來,7,8,9,我聽了很興奮,估不到他會識,我在家成日叫佢跟我講野,佢越來越多野講了,今日bb開始在學校午睡了,3:30p.m.才接佢,我好擔心他睡不著,哈,估唔到,老師話佢好乖,食完飯一會便用車仔氹佢上床,玩一陣便推他睡在床上,啪幾啪便睡著了,睡了一個鐘,去完廁所再上返床,他就唔制了,喊起來,於是老師帶他到ym房玩,他便好開心,之後我便來了,佢一見到我就好心急,著了鞋連書包都唔要就要出來找我,今晚食飯,我餵他一啖湯,他就數1,二就說2,數到10又由1開始數起,我講到很開心,是他自發性的,食完飯我教他數次一筆筆,一枝就說1,如此類推,數到10佢又由1開始,第二次係佢自己數的,佢識啦!goodgood!!

2008年10月11日星期六

今天靖男學校舉辦去科學館,我們第一次去依d活動,都幾好玩,靖男好開心,我只需比$15,又有專車接送,小朋友又有食物供給,這間學校真係好

2008年10月22日星期三

靖男10月12日我教佢坐馬桶疴ngng,開頭2日佢都係坐一陣就就制了,但佢學得好快,第3日已懂得自己坐著疴了,真係叻叻,但有時好硬就要我逗了,佢依加識讀英文字了,打開本書,自己讀,自己識除鞋,除襪,除褲,佢鍾意攞哂d玩具出來玩,但佢會自己收拾好,好叻仔呀,我幫佢剪左頭髮,耳仔兩邊,剪左好靚仔呀,hehe~~

2008年10月26日星期日

今早和靖男去了行街街,下午2時去了隔離學校玩,因佢開放日,果道好多人,排好耐隊,我和靖男合作整了個泥膠蛋糕,好靚的,佢又拿了好多貼紙,靖男玩到好累了,我們4點走左啦,當日靖男晚上7:30p.m.已睡著了,因他沒有午睡

2008年10月31日星期五

靖男好叻仔,上星期開始,見到d英文字母自己識讀出來,今晚和他玩卡卡,佢又識自己讀哂50張卡的中文字出來,真係估唔到,今晚還聽到他唱abc歌,佢每一天都帶給我驚喜,so good,老師今日又讚他,說他又識圖形,又識分顏色,又識數字,又識英文字母,在bb班當中,簡直是超班馬,問我他是否資優,我聽到好開心呀!