一個人首爾自由大暴走2009 - 第三天 (6/10/2009 二)

原先諗住今日早上去韓國民俗村和下午去水原華城, 但點知去到水原站已經係10:40am了, 遲到呀! 趕唔到10:30班shuttle bus去民俗村, 下一班要11:30囉...算啦, 唔去啦! 反正今日對腳已經有d痛, 唔噤趕d行程啦, 噤就決定直接坐巴士去水原華城參觀了. 點知我唔識落車, 早咗幾個站落車, 我行行行咗3個字左右去到八達門, O! 跟住個地圖先去參觀華城行宮, 幾乎係冇人去架呢度, 勁爆少人, 行咗45分鐘左右就行完, 去咗Lotteria度食佢30周年新出既餐, 好好食噃, 好食過M記呀, 個芝士條勁好味! 食完就休息下, 自己執好d手尾, 把不同既物料分類放入好整齊既收集櫃度, 我好鐘意佢噤樣分曬, d人亦都好自律噤分開放好d嘢, 香港人唔會理啦一定, 是但食完放係枱等人執就算.重有佢會俾一個電子牌我, 當食物準備好後, 個牌會振同埋會閃燈的, 不論我坐係邊你都知可以出去攞餐了. 非常好!

原先諗住跟佢介紹由第1個點開始行, 點知我見佢一開始就係條奪命長斜路, 我放棄由1開始, 由後開始行, 感覺輕鬆d啦. 一邊行一邊影, 遠處看到高高既亭, 就係我要行去既最高點...嘩! 有排行啦今次! 可以話係終極大暴走!!! 呢度好似係一條迷你版萬里長城, 幾正架! 慢慢行, 越行越斜, 行咗接近2粒鐘, 終於行到上去最高的亭了, 我不顧一切除咗對鞋坐係個亭度坐係度休息攤腳, 因為對腳真係好攰好攰啦! 唔上唔知噃, 都有不少老人家上去行同休息噃, 佢地真係好勁! 不過個風景真係好靚, 噤辛苦都值得既! 休息咗接近20分鐘, 影下相就開始餘下既點了! 前後成3粒幾鐘架. 我覺得自己好似完成咗個創舉噤. 勁勁勁!

坐返地鐵出去市中心, 都接近黃昏了, 我去咗大學站嗰邊度行, 去咗10X10度睇精品同埋諗住食下三層肉, 點知行咗好內都搵唔到間嘢, 最後食咗好多街邊嘢當晚餐了. 回酒店前, 順道去咗清溪村, 睇下夜晚既係點, 跟住去行東大門d mall, 行咗Milgore和Hello apm, shopping意欲不大, only買咗一件衫咋, 跟住就返酒店了.